web counter
LEXO PA REKLAMA!

SHKARKO APP

App Store
Google Play

E fundit!

x

Si ushtroi presion ndaj drejtësisë Plarent Ndreca

8 Maj 2026, 12:54, Aktualitet CNA

Prej më shumë se një viti, që pas arrestimit të kryebashkiakut Erion Veliaj me 13 akuza për 5 vepra të rënda penale, ka nisur një fushatë sulmesh mediatike ndaj drejtësisë, ndaj prokurorëve, ndaj gjyqtarëve.

Një fushatë sulmesh, ku akti më i paprecedentë është përfshirja e mediave dhe përdorja e tyre si mashë për të kryer sulme me qëllim intimidimin, kërcënimin, shantazhin e prokurorëve dhe gjyqtarëve.

E njëjta skemë përsëritet herë pas here. Sa herë ka një gjyq të Veliajt, para seancave nga Veliaj, nga mediat pranë tij, nga avokatët e tij të studiove ligjore lobiste dhe atyre të pandehur, si në rastin e Plarent Ndrecës, nisin me skenarët dhe skemat e presionit dhe sulmit ndaj prokurorëve apo gjyqtarëve përkatës të çështjes.

Kjo ka ndodhur edhe 24 orë më parë, para seancës që zhvillohet sot në Gjykatën Administrative për padinë qesharake ndaj prokurorit Ols Dado, ku avokati i pandehur i Erion Veliajt doli në një konferencë për shtyp për të ushtruar një presion të hapur dhe publik.

Kjo dalje publike u shfrytëzua për të hedhur akuza lidhur me ecurinë e procesit gjyqësor të kryebashkiakut të Tiranës në Gjykatën Administrative, ndërsa presioni ka shkuar deri aty sa avokati i pandehur i një tjetri të pandehuri, Plarent Ndreca, ka kërkuar të aktivizohen mekanizmat e kontrollit ndaj gjykatës.

Avokati i pandehur i Veliajt gënjen publikisht kur flet për presione mediatike

Avokati i pandehur i Erion Veliajt, Plarent Ndreca, në konferencën për shtyp të mbajtur të enjten, 24 orë para seancës së sotme në Gjykatën Administrative, tha se: “Prej ditësh, në hapësirën publike dhe në burime të hapura mediatike, janë raportuar pretendime jashtëzakonisht shqetësuese mbi tentativa të mundshme ndikimi dhe presioni institucional në lidhje me këtë proces gjyqësor”, duke vijuar më tej se “pas gjithë këtyre zhvillimeve krijohet natyrshëm dyshimi se gjyqtari i çështjes mund të gjendet nën një presion institucional të jashtëzakonshëm për të mos lejuar që një vendim gjyqësor të ekspozojë dështimin e vetë sistemit për të korrigjuar një problem kaq të rëndë ligjor dhe institucional”.

Kjo është një gënjeshtër, pasi pas një vëzhgimi të bërë nga CNA, nuk rezultoi që të kishte ndonjë informacion mediatik apo ndonjë presion ndaj gjyqtarit të çështjes Hazbi Balliu.

Pasi gënjen publikisht, avokati i pandehur i Veliajt, Plarent Ndreca, del dhe sulmon ILD-në.

Kërkon të aktivizohen mekanizmat e kontrollit ndaj gjykatës, nga një institucion që e ka sulmuar ILD-në.

Nga një anë sulmojnë ILD-në, nga ana tjetër kërkojnë të kontrollohet.

Nga ana tjetër kemi heshtjen e Këshillit të Lartë Gjyqësor.

CNA raportoi që ndërsa ky shantazh i hapur publik konsiderohet i paprecedentë, vërehet një heshtje nga KLGJ-ja, duke lejuar që një çështje penale me peshë të kthehet në një "show" mediatik dhe politik.

KLGJ-ja duhet të raportojë, duhet të reagojë në mënyrë urgjente për të mos lejuar që të krijohet ky lloj standardi, që dalin avokatët e të pandehurve një ditë para gjykatës, 24 orë para gjyqit, dhe ushtrojnë presion mbi gjyqtarët.

KLGJ duhet ta thyejë këtë heshtje dhe të reagojë ndaj një të pandehuri që guxon t'i tregojë gjykatës mekanizmat e kontrollit vetëm 24 orë para mbajtjes së seancës në Gjykatën Administrative.

Fakti është përballë, nëse ka një lloj presioni, shantazhi dhe dhune mbi gjyqtarët, këtë më shumë se kushdo tjetër e ka bërë Erion Veliaj.

Këtë e tregojnë përgjimet në burgun e Durrësit, mediat e tij që paguhen nga i vëllai dhe së fundi avokati i pandehur Plarent Ndreca në konferencën për shtyp të dhënë 24 orë para seancës së sotme, pa folur për fyerjet, shpifjet, shantazhet që u bëjnë njerëzve të drejtësisë./ CNA





Lajmet e fundit nga