web counter
LEXO PA REKLAMA!

SHKARKO APP

App Store
Google Play

Këlliçi saktëson vendndodhjen e 8 vilave/ Dyshohet se lidhen me drejtuesit e lartë të Policisë së Shtetit

7 Maj 2026, 23:00, Aktualitet CNA

Në seancën e sotme parlamentare deputeti i PD-së Belind Këlliçi bëri një denoncim të fortë për 8 vila luksoze të ndërtuara në heshtje dhe pa zhurmë në zemër të Tiranës.

“Dua të bëj një denoncim të ri për një resort me 8 vila i cili më njoftojnë se ndodhet pas zonës së TEG. Dua të di nga IKMT dhe IMT apo Bashkia e Tiranës kush janë zyrtarët që kanë ndërtuar këto 8 vila, kush banon në këto 8 vila dhe a ka leje apo ndonjë miratim qeveritar për ndërtimin e këtyre 8 vilave luksoze në zemër të Tiranës”, tha Këlliçi.

Përmes një statusi në rrjetet sociale deputeti demokrat, Belind Këlliçi ka saktësuar vendndodhjen, duke publikuar zonën ku ndodhen këto vila.

Këlliçi saktëson vendndodhjen e 8 vilave/ Dyshohet se lidhen me

Dyshohet që këto vila të kenë lidhje me Drejtorin e Përgjithshëm të Policisë së Shtetit, Skënder Hita.

Deputeti ka ngritur disa pyteje në lidhje me vilat e ndërtuara në heshtje dhe fshehtësi.

“SAKTËSIM: Kjo është adresa/vendodhja e saktë e vilave, për të cilat ngrita pyetjet e mëposhtme paraditen e sotme në Kuvendin e Shqipërisë!

Më poshte postimi origjinal:

Janë shfaqur 8 vila luksoze në Tiranë, pa zhurmë, në heshtje... Pyetjet lindin natyrshëm!

Cili shef apo zyrtar banon aty?

A është dhënë leje ndërtimi për këto vila?

A është respektuar ligji?

Bëni transparencë!”, thuhet në postimin e Këlliçit./CNA

 





Lajmet e fundit nga