web counter
LEXO PA REKLAMA!

SHKARKO APP

App Store
Google Play

“Është larguar në të njëjtën ditë që ndodhën arrestimet”/ Spahiu: Meta është fshehur, po monitoron situatën

27 Tetor 2023, 20:33, Aktualitet CNA

“Është larguar në të njëjtën ditë

Analisti Kreshnik Spahiu ka komentuar “zhdukjen” e kreut të Partisë së Lirisë, Ilir Meta, duke thënë se është larguar nga Shqipëria në të njëjtën ditë që ndodhën arrestimet por thekson se nuk beson se do të kërkojë azil politik apo do të arratiset nga vendi.

Gjatë një interviste për Euronews Albania, Spahiu thotë se, Meta është fshehur dhe po monitoron situatën, pra po fiton kohë.

 “Unë jam nga ata që ndonëse Meta është larguar në të njëjtën ditë që ndodhën arrestimet, unë jam nga ata që besoj se Meta nuk do kërkojë azil politik dhe nuk do të arratiset nga Shqipëria. Unë jam nga ata që besoj se Ilir Meta është fshehur dhe po qëndron në distancë, për të monitoruar situatën se çfarë do të ndodhë dhe një nga arsyet që unë besoj se Meta do të kthehet është mos arrestimi i Berishës.

Duke qenë se Berishës i është vendosur një masë proceduariale e lehtë, siç është detyrimi për paraqitje. duke qenë se ai po shmang qoftë kontaktin me prokurorinë, me policinë dhe po fiton atë lirinë fizike, kjo përbën një motiv dhe një arsye më shumë që Ilir Meta ta konsiderojë si një precedent pozitiv, që do të thotë ish-kryeministra dhe ish-president nuk hetohen duke u arrestuar.

Ndaj besoj se do jetë i gatshëm dhe prezent për një apo dy dosje të hapura”,-tha juristi Kreshnik Spahiu./ CNA





Lajmet e fundit nga