web counter
LEXO PA REKLAMA!

SHKARKO APP

App Store
Google Play

“Shkeli rregulloren”/ Grupi i Përçarësve kërkon shkarkimin e Lindita Nikollës

26 Janar 2023, 13:56, Aktualitet CNA

“Shkeli rregulloren”/ Grupi i Përçarësve

Grupi i Përçarësve të Enkelejd Alibeajt ka kërkuar shkarkimin e kryetares së Kuvendit, Lindita Nikolla.

Përmes një njoftimi, grupi shpjegon se Nikolla ka shkelur rregulloren duke u mohuar të drejtën e fjalës deputetëve të Kuvendit edhe për çështjet e përfshira në rendin e ditës.

“Sot Edi Rama, i kapur në flagrancë nga drejtësia amerikane se ka korruptuar dhe bashkëpunuar me një angjent të FBI-së të lidhur me Rusinë, jo vetëm iu fsheh Kuvendit, por detyroi Lindita Nikollën të mbyllë Parlamentin.

Veprimi i sotëm i Kryetares së Kuvendit, është akt i paprecedent në 32 vjet demokraci. Në shkelje flagrante të Rregullores, Kryetarja e Kuvendit u mohoi të drejtën deputetëve të Kuvendit që të diskutojnë për çështjet e përfshira në Rendin e Ditës, duke përdhosur parlamentarizmin dhe duke minuar funksionimin demokratik të Kuvendit.

Ndërsa drejtësia amerikane asgjësoi politikisht Edi Ramën, duke faktuar para botës mbarë, lidhjen e tij korruptive me një zyrtar të FBI-së, të lidhur me Rusinë, Kryetarja e Kuvendit asgjësoi Parlamentin për llogari të Edi Ramës.

Gjithashtu, nga sot Parlamenti i Shqipërisë ka humbur mundësinë për të funksionuar në mënyrë demokratike dhe përgjegjës për këtë janë vetëm Edi Rama dhe Lindita Nikolla.

Për shkak të shkeljes flagrante të Rregullores, minimit të parlamentarizmit dhe funksionimit demokratik të Kuvendit, Grupi Parlamentar i Partisë Demokratike, bazuar në pikën 4, të nenit 114 të Rregullores, ka vendosur të nisë procedurën për shkarkimin e Kryetares së Kuvendit znj. Lindita Nikolla”, shkruhet në njoftim./CNA.al





Lajmet e fundit nga