E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Samiti i NATO-s në Hagë/ Miratohet rritja e shpenzimeve me 5% për mbrojtjen

25 Qershor 2025, 14:56, Aktualitet CNA

Samiti i NATO-s në Hagë/ Miratohet rritja e shpenzimeve me 5% për

Udhëheqësit e vendeve anëtare të NATO-s në Samitin e sotëm në Hagë miratuan objektivin për rritjen e shpenzimeve të mbrojtjes të PBB-së deri në vitin 2035.

Në deklaratën e përbashkët thuhet se vendet janë të bashkuara përballë kërcënimeve dhe sfidave të sigurisë, në veçanti kërcënimit që paraqet Rusia.

“Të bashkuar përballë kërcënimeve dhe sfidave të thella të sigurisë, në veçanti kërcënimit afatgjatë që paraqet Rusia për sigurinë euroatlantike dhe kërcënimit të vazhdueshëm të terrorizmit, aleatët angazhohen të investojnë 5% të PBB-së çdo vit në kërkesat thelbësore të mbrojtjes, si dhe në shpenzimet që lidhen me mbrojtjen dhe sigurinë deri në vitin 2035, për të siguruar detyrimet tona individuale dhe kolektive, në përputhje me Nenin 3 të Traktatit të Uashingtonit. Investimet tona do të sigurojnë që të kemi forcat, aftësitë, burimet, infrastrukturën, gatishmërinë për luftë dhe qëndrueshmërinë e nevojshme për të penguar dhe mbrojtur në përputhje me tri detyrat tona kryesore të pengimit dhe mbrojtjes, parandalimit dhe menaxhimit të krizave dhe sigurisë bashkëpunuese”, thuhet në deklaratën e përbashkët.

Shifra 5% përfshin 3.5% të PBB-së që duhet të shpenzohet për mbrojtjen e mirëfilltë, dhe 1.5% shtesë për infrastrukturë kritike të lidhur me mbrojtjen dhe sigurinë, për të garantuar – sipas deklaratës – “gatishmërinë dhe qëndrueshmërinë civile, nxitjen e inovacionit dhe forcimin e bazës industriale të mbrojtjes”./ CNA