web counter
LEXO PA REKLAMA!

SHKARKO APP

App Store
Google Play

Matura Shtetërore mbyll ciklin e provimeve/ Drejtoresha e ZVA Shkodër: Proces i rregullt dhe pa incidente

24 Qershor 2025, 13:43, Aktualitet CNA

Matura Shtetërore mbyll ciklin e provimeve/ Drejtoresha e ZVA Shkodër:

Matura shtetërore në Shkodër, ashtu si në të gjithë vendin, ka mbyllur sot ciklin e provimeve.

Drejtorja e Zyrës Vendore të Arsimit, Brisela Kadija, bëri të ditur se janë mbi 1430 nxënës të shkollave të mesme të cilët morën pjesë në këtë provim, ndërsa 9 nxënës janë me aftësi ndryshe.

“Sot është zhvilluar provimi i fundit i Maturës Shtetërore, ai i lëndës me zgjedhje. Në fakt, është ndër provimet që ka një peshë të madhe, përgjegjësia dhe ngarkesa janë të mëdha. Për vetë faktin se është një provim që përcakton pak a shumë edhe zgjedhjen e maturantëve. Po ashtu është provimi më i vështirë në menaxhim sepse brenda një salle kemi disa lloj tezash që mund të kenë zgjedhur. Kemi qenë shumë korrektë në këtë proces. Deri më tani kemi pasur proces të rregullt dhe pa incidente. Parashikuar për të marrë pjesë janë mbi 1430 nxënës. Mbi 140 mësues janë angazhuar në 6 qendrat e provimit”, tha Kadija.

Teksa është zhvilluar provimi i fundit, maturantët deri tani janë njohur me rezultatet e gjuhës së huaj, si dhe letërsisë dhe gjuhës shqipe.

“Tashmë kanë dalë edhe rezultatet e gjuhës dhe letërsisë, dhe kemi ruajtur objektivat. Pra, ruajtjen e notës mesatare vjetore. Jemi të kënaqur me arritjet, patjetër që nuk ka qenë e njëjta situatë si me gjuhën e huaj sepse gjuha shqipe ka më shumë specifika, por sërish kalueshmëria ka qenë mbi 98%. Notat më frekuente të marra janë 7 dhe 8, por kemi edhe shkolla që kanë pasur një numër të lartë të notave maksimale”, u shpreh Kadija.

Provimi me zgjedhje ka përfshirë: Shkencat e Natyrës: Kimi, Fizikë, Biologji; Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet.

Pas marrjes së rezultateve maturantët nisin një tjetër fazë të rëndësishme, atë të përzgjedhjes së studimeve universitare./ CNA





Lajmet e fundit nga