E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Reshjet e dendura të shiut/ Ministria e Mbrojtjes pasqyron situatën, thirrja për qytetarët

18 Janar 2023, 09:59, Aktualitet CNA

Ministria e Mbrojtjes

Ministria e Mbrojtjes ka paraqitur si është situata në vend si pasojë e reshjeve të dendura të shiut gjatë natës.

Bëhet me dije se nuk ka përmbytje në asnjë zonë të territorit të vendit.

Gjithashtu vijon monitorimi në zonat më të rrezikuara si Bashkitë Shkodër, Lezhë, Fier, Vlorë, Gjirokastër, Durrës e Elbasan.

Nën monitorim është situata edhe në zonat malore, ku ka pasur reshje bore. Po punohet në disa akse nga punonjësit e ARRSH-së për pastrimin e rrugëve nga inertet dhe nga forcat e OSHEE-së për riparimin e defekteve dhe rikthimin e energjisë në disa njësi administrative.

Ndër të tjera Ministria e Mbrojtjes u bën thirrje qytetarëve që të shmangin lëvizjet në zonat e rrezikuara.

“Reshjet me intensitet të lartë të rëna gjatë natës, fatmirësisht nuk kanë shkaktuar situata përmbytjesh në asnjë zonë të territorit të vendit, falë edhe masave të marra në kohë. Megjithatë bashkitë Shkodër, Lezhë, Fier, Vlorë, Gjirokastër, Durrës e Elbasan do të jenë në monitorim të prurjeve të lumenjve në orët në vijim, pasi sipas parashikimeve piku i prurjeve do të arrihet në datën 20. Nën monitorim është situata edhe në zonat malore, ku ka patur reshje bore. Po punohet në disa akse nga punonjësit e ARRSH për pastrimin e rrugëve nga inertet dhe nga forcat e OSHEE për riparimin e defekteve dhe rikthimin e energjisë në disa njësi administrative.

Forcat e Armatosura kanë të angazhuara në nivel kombëtar 1200 forca dhe 450 mjete së bashku me shërbimin zjarrfikës, atë mjekësor, Policinë e Shtetit për të ndërhyrë në çdo rast nevoje.

U bëjmë thirrje qytetarëve në zonat e rrezikuara të bëjnë kujdes me lëvizjet e tyre në orët në vijim, të shmangin kalimet në rrugët me prezencë uji, të respektojnë rregullat e qarkullimit rrugor dhe të njoftojnë strukturat vendore për ndihmë”, thuhet në njoftimin e Ministrisë së Mbrojtjes./ CNA.al