web counter
LEXO PA REKLAMA!

SHKARKO APP

App Store
Google Play

E fundit!

x

Agim Xhafka tregon ngjarjen me infermierin/ Mori 30 lekë djathë të lirë me një gjysmë panine

17 Janar 2023, 19:13, Aktualitet CNA
Agim Xhafka tregon ngjarjen me infermierin/ Mori 30 lekë djathë
Gazetari Agim Xhafka

Gazetari Agim Xhafka ka treguar një ngjarje që i ka ndodhur sot, kur kishte shkuar për të blerë disa gjëra në bulmetoren e lagjes.

Xhafka thotë se bulmetorja është pranë urgjencës dhe aty kishte hasur një infermier, i cili kishte kërkuar vetëm 30 lekë djathë.

Duke qenë se shitësja kishte prerë 36 lekë djathë, gazetari rrëfen se djali ishte shprehur se nuk kishte më shumë se 30 lekë.

Sipas tij, këtë djathtë infermieri e futi në mes të një gjysmë panineje dhe filloi ta hante teksa largohej ndërsa pretendon se këtë gjë e kishte të përditshme.

“Pranë urgjencës së lagjes ndodhet një bulmetore. Hyra sot atje për të blerë plot gjëra; qumësht, kos, gjalpë, djathë, salçiçe… Para meje qe një mesoburrë me përparëse të bardhë. E mora për doktor. Por që në nisje të bisedës nuk ishte në këtë profesion.

-Erdhe, o infermieri më i mirë! - i tha shitësja.

Dukej që njiheshin.

- Kemi 30 minuta pushimin e drekës.

- Të zakonshmen? - e pyeti ajo.

- Po, 30 lekë djathë të bardhë.

Pashë që thika shkoi tek tava me djathin më të lirë. Preu një copëzë, aq sa më jepte gjyshja kur me tallon merrnim 1 kg djathë në muaj. E peshoi, po çmimi në peshore tregoi 36 lekë.

- Jo aq, 30 lekë kam.

- Pa merak, të qiras unë, - ia ktheu shitësja me buzëqeshje.

- Mos e mbështill, - i tha infermieri.

Nxorri një gjysëm panine nga xhepi, e çau me duar, në mes futi djathin e nisi ta hante pa dalë ende nga dyqani.

Nuk m’u dhimbs, më emocionoi ky njeri kaq i varfër. I lidhur me atdheun pas një cope djathi? Jo, jo, i bërë njësh nga dashuria për të, se ndryshe ja, dy orë larg është Gjermania që e pret me lule dhe euro si mijëra kolegët e tij. Por ai rri çdo ditë në radhë të urgjencave dhe në rradhë të djathit...

-Çfarë doni? - më pyeti shitësja.

Do blija plot e plot gjëra, por nuk di pse i thashë thatë:

-Vetëm një shishë kos dua. Vetëm një...”, shkruan ai./ B.A. – CNA.al





Lajmet e fundit nga