Kryeministri Edi Rama në një postim të bërë në rrjetet soc...
Reflekton ambasadori britanik/ “Zhduk” nga fotot kreun e bandës së “5D”, Erion Veliaj
23 Prill 2024, 14:39, AktualitetCNA
Ambasadori britanik, Alastair King-Smith
Protesta e së premtes së shkuar para Bashkisë së Tiranës, ku kërkohej dorëheqja e Erion Veliajt, ishte një manifestim i zemëratës së qytetarëve, të cilët me të drejtë ngritën zërin kundër megaaferës së vjedhjeve “5D” në bashki.
I menjëhershëm ka qenë reagimi i ndërkombëtarëve, selive të ambasadave të atashuara në Tiranë. Në reagimet e tyre pothuajse në unison shprehnin dënimin ndaj dhunës së protestuesve, ndaj kangjellave të bashkisë.
Njëkohësisht po këta ambasadorë nuk arritën të shihnin reprezaljen policeske të zhvilluar "post" protestës, ku protestuesit u rrëmbyen rrugëve apo në shtëpitë e tyre, duke u mbajtur në Komisariate në mënyrë antiligjore.
Një ndër ambasadorët që reaguan për “dhunën” para bashkisë ishte edhe ambasadori britanik, Alastair King-Smith.
REAGIMI
“Skenat jashtë Bashkisë së Tiranës sot dhe përdorimi i koktejve molotov nuk kanë vend në demokraci. Ambasada Britanike dënon përdorimin e dhunës dhe aktet e frikësimit.
Mbretëria e Bashkuar vazhdon të kërkojë që të gjitha mosmarrëveshjet dhe konfliktet të kryhen përmes proceseve demokratike, pa dhunë dhe se duhet respektuar sundimi i ligjit.”
Reagimi i ambasadës Britanike u prit negativisht nga mediat, gazetarë dhe intelektualë të vendit, të cilët patën reagime të ashpra ndaj asaj që e cilësuan si marrje nën mbrojtje të kreut të bandës “5D”.
Kjo gjë mesa duket ka bërë që ambasadori Alastair King-Smith të reflektojë dhe në publikimin e sotëm të aktivitetit të Akademisë së Lidershipit, ku është kujdesur që të fshehë Erion Veliaj nga fotot dhe teksti i postuar në faqen zyrtare të ambasadës britanike.
Reagimi i mediave dhe shoqërisë civile ka bërë që ambasadori të mos ripërsërisë dy herë të njëjtin gabim, duke mohuar ekzistencën e Veliajt në aktivitet.
Postimi i sotëm:
"Javën e kaluar, ambasadori britanik Alastair King-Smith në fjalën përmbyllëse të kursit të Programit mbi Lidershipin Strategjik në Tiranë. Kursi ishte sfidues, me disa ditë të gjata, por kontributi i delegatëve ka qenë i jashtëzakonshëm. Ka pasur shumë mundësi për shkëmbimin e ideve dhe perspektivave mes anëtarëve të audiencës. Ishte kënaqësi të kishim delegatë nga Bonjë dhe Hercegovina, Kosova dhe Maqedonia e Veriut, të cilët sollën këndvështrimet e tyre rajonale, të rëndësishme në një rajon kaq të ndërveprues"
