web counter
LEXO PA REKLAMA!

SHKARKO APP

App Store
Google Play

E fundit!

x

RCC fiton Çmimin e Dialogut të Forumit të Prespës

16 Qershor 2023, 20:00, Aktualitet CNA

RCC fiton Çmimin e Dialogut të Forumit të Prespës

Sekretarja e Përgjithshme e Këshillit për Bashkëpunim Rajonal (RCC), Majlinda Bregu, mori pjesë në Dialogun vjetor të Forumit të Prespës (PFD) 2023, që u mbajt në 15-16 qershor në Strugë, në Maqedoninë e Veriut.

Përtej vlerësimit për rolin e RCC në bashkërendimin e proçesit të Bashkëpunimit rajonal, Bregu mori pjesë në një nga panelet e Forumit së bashku me Kryeminstrat Kovacevski dhe Abazovic si dhe zhvilloi një sërë takimesh dypalëshe me zyrtarë të lartë të BE-së dhe rajonit.

“Faleminderit kryeministër Kovaçevski. Ky çmim prestigjioz do të thotë shumë për ne në RCC. Ballkani është një qilim i larmishëm kulturash, gjuhësh por edhe konfliktesh të dhimbshme. Por potenciali dhe nevoja për bashkëpunim qëndron pikërisht , tek kjo larmi.

Vetëm përmes dialogut, respektit reciprok dhe mirëkuptimit, mundemi të ecim së bashku.

Maqedonia e Veriut është një shembull i shkëlqyer për këtë dhe shërben si frymëzim për të gjithë ne në procesin e bashkëpunimit rajonal. Ky çmim shkon për të gjithë ata që kontribuojnë për t? nxitur e forcuar  klimën e bashkëpunimit, duke lënë pas dhe mosmarrëveshjet”, tha zonja Bregu gjatë marrjes së çmimit nga kryeministri i Maqedonisë së Veriut Dimitar Kovacevski.

RCC fiton Çmimin e Dialogut të Forumit të Prespës

“Megjithë problemet ende prezente, bashkëpunimi rajonal është sot mantra dhe proçesi më i mbështetur në rajon.

Nuk është rastësi që vit pas viti të shohim një rritje të perceptimit të qytetarëve për mbështetjen e bashkëpunimit rajonal apo marrëdhënieve të mira fqinjësore. Një term që më pëlqen edhe më shumë, sepse të kesh një fqinj të mirë është e rëndësishme në jetën e gjithsecilit prej nesh pasi dera e fqinjit është e para që troket kur ke nevojë”.

Presidenti Roosevelt i atribuohet thënia:

'Për të arritur në port, duhet të nisësh lundrimin. Jo duke u lidhur pas spirancës. Por duke lundruar'”, tha zonja Bregu në panel.

Në Forumin e Dialogut të Prespës e PFD, znj. Bregu u takua me një sërë zyrtarësh të BE-së dhe rajonit, duke folur për bashkëpunimin rajonal, situatën në rajon, zbatimin e Planit të Veprimit të Tregut të Përbashkët Rajonal, Axhendën e Gjelbër për Ballkanin Perëndimor, por edhe për përgatitjet për të ardhmen. Samiti i Procesit të Berlinit që do të zhvillohet në tetor në Tiranë. Znj. Bregu u takua: Z. Peter Burke, Ministër i Çështjeve të BE-së të Irlandës; Znj. Emilija Stojmenova Duh, Ministre e Transformimit Dixhital të Sllovenisë; Z. Azir Aliu Ministër i Shoqërisë Informative dhe Administratës së Maqedonisë së Veriut; Z. Miroslav Laj?ák, Përfaqësues Special i BE-së për Dialogun Beograd-Prishtinë dhe çështje të tjera rajonale të Ballkanit Perëndimor; dhe z. Ali Ahmeti, kryetar i Bashkimit Demokratik për Integrim.

Dialogu i Forumit të Prespës (PFD) është një platformë e krijuar nga Qeveria e Maqedonisë së Veriut për të mbledhur liderë, organizata, think tank dhe qytetarë për të ndërtuar marrëdhënie afatgjata, për të forcuar partneritetet dhe për të nxitur dialogun për zhvillimin e bashkëpunimit rajonal./ CNA.al





Lajmet e fundit nga