Partia Demokratike do të mbledhë nesër paradite Grupin Par...
Gjici njofton dorëheqjen pas shkarkimit nga Rama/ "Kurth nga kundërshtarët politikë"
16 Qershor 2023, 14:08, AktualitetCNA
Pas shkarkimit nga kryeministri Edi Rama ka reaguar kryebashkiaku i Kukësit, Safet Gjici, ku ka bërë me dije edhe dorëheqjen e tij pas skandalit me videon erotike.
CNA pak minuta më parë bëri me dije se kryeministri Edi Rama e ka shkarkuar pas publikimit të videos intime dhe nisjes së procedimit nga SPAK-u për kryebashkiakun.
Në reagimin e tij, Gjici e ka quajtur këtë një kurth nga kundërshtarët politikë.
"Ndjesë të thellë publike çdokujt që sot ka parë atë material të shëmtuar video. Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rashë pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.
Jam shumë i keqardhur për ngjarjen dhe jam mëse i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarërisht se i rënë në kurth.
Nuk mund të jem më unë njeriu që punon në atë zyrë shteti pasi e kam tradhëtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë.
Ndjesë të gjithëve dhe mirënjohje gjithë jeten kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve!", shkruan Gjici./CNA
