Fondacioni "Vodafone Albania" mbështet ekipin shqiptar “Special Olympics Albania” në Lojërat Olimpike Speciale Botërore "Berlin 2023"

15 Qershor 2023, 13:29, Aktualitet CNA

Fondacioni "Vodafone Albania" mbështet ekipin shqiptar

Foto ilustruese

Ekipi kombëtar shqiptar i “Special Olympics Albania” do të jetë pjesëmarrës këtë vit me 10 sportistë me aftësi të kufizuara në Lojërat Olimpike Speciale Botërore "Berlin 2023", i cili zhvillohet nga 17-25 qershor. Në rrugëtimin e tyre deri në këtë hap cilësor, ekipi ka pasur shumë mbështetës. Një ndër ta është edhe Fondacioni "Vodafone Albania", që për vite me radhë ka mbështetur skuadrën kombëtare të Special Olympics në eventet ndërkombëtare dhe vazhdon të mbështesë sportistët tanë me telefona celularë si dhe paketë roaming falas përgjatë gjithë qëndrimit të tyre në Olimpiadën e Berlinit.

Fondacioni "Vodafone Albania" ka pasur gjithmonë në fokusin e Kontratës Sociale me qytetarët, komunitetet e partnerët edhe mbështetjen për personat me aftësi të kufizuara për të dhënë kontributin e saj që nga përdorimi i teknologjisë së komunikimit që askush të mos mbetet pas. Komunikimi pa limit do t’u japë mundësi sportistëve tanë specialë të kenë mundësi jo vetëm të ruajnë komunikimin me familjet e tyre në Shqipëri, që është tepër e rëndësishme për ta, por edhe do të mund të postojnë ditë pas dite ecurinë e tyre në lojërat olimpike. Dhe ne shpresojmë që në njërën nga këto postime të shohim edhe ndonjë medalje.

Siç shprehet edhe Jonida Lakuriqi, Kryetarja e Bordit të Fondacionit "Vodafone Albania": “Betimi i atletëve të Lojërave Speciale Olimpike përmbledh gjithë filozofinë e jetës dhe përpjekjeve të tyre. Le të fitoj! Dhe nëse nuk fitoj, le të jem guximtar në përpjekjen për ta arritur atë. Këta të rinj me aftësi të kufizuara, por me shumë dëshirë e vullnet për të shtyrë limitet e tyre çdo ditë, ia kanë dalë të jenë fitimtarë në garën e madhe të jetës, duke u përballur me dinjitet, së bashku me familjet e tyre, me sfidat më të cilat fati i ka përballur. Ata kanë ardhur deri në eventin e Lojërave Speciale Olimpike dhe ky rrugëtim kurajoje e vendosmërie është frymëzim për të gjithë ne.”

Ekipi shqiptar “Special Olympics Albania” do të përfaqësohet në Lojërat Olimpike Speciale Botërore "Berlin 2023" në 4 disiplina: basketboll, not, atletikë dhe peshëngritje. Ai përbëhet nga 10 atletë, 7 trajnerë dhe sportistët vijnë nga 3 qytete të ndryshme.

Me këtë projekt dhe delegacion ambicioz prej 20 personash do të çelet një dritare për të gjithë komunitetin e personave me aftësi të kufizuara intelektuale dhe mbështetësit e tyre duke treguar kurajë, talent dhe vendosmëri për të thyer barrierat përmes sportit. Dhe gjithashtu të përcjellim edhe njëherë mesazhin e rëndësishëm se "Së bashku ne mundemi të garojmë, e pse jo, edhe të fitojmë medalje!"/ CNA

Fondacioni "Vodafone Albania" mbështet ekipin shqiptar