web counter
LEXO PA REKLAMA!

SHKARKO APP

App Store
Google Play

E fundit!

x

PS bën gati draftin/ Propozohet ngritja e një ministrie të re

5 Tetor 2024, 18:42, Aktualitet CNA
PS bën gati draftin/ Propozohet ngritja e një ministrie të re
Kryeministria

Një projektligj i ri do të propozohet nga qeveria mbi riorganizimin e sistemit shkencor, ku sugjerohet ngritja e një ministrie të re.

Kjo ministri do të jetë përgjegjëse për shkencën dhe kërkimin shkencor.

Ministri i shkencës do të ketë për detyrë hartimin e strategjisë në këtë sektor si dhe të përcaktojë fushat prioritare të kërkimit shkencor.

Gjithashtu, sipas draftit të përgatitur nga socialistët, do të krijohet edhe një Këshilli Kombëtar për shkencën dhe kërkimin shkencor.

Ky këshill do të përbëhet nga 7 ministra të fushave të ndryshme, nga 4 përfaqësues të institucioneve të arsimit të lartë, nga kryetari i Akademisë së Shkencave dhe nga përfaqësues të Agjencive të Inovacionit.

Në total, këshilli do të ketë 19 anëtarë dhe do të drejtohet nga kryeministri.

Një tjetër propozim është kalimi i kompetencave të punës kërkimore-shkrencore nga inctitucionet e arsimit të lartë te ministria e re, Akademia e Shkencave dhe këshilli shkencor.

Ministrit të ri do t’i jepet fuqia për krijimin e institucioneve të veçanta për kërkimin shkencor dhe për pezullimin apo mbylljen e tyre, kur vihen re nga monitorimi mospërmbushje të kritereve.

Gjithashtu, do të krijohet edhe regjistri kombëtar i institucioneve dhe kërkuesve shkencorë, brenda dy viteve nga miratimi i ligjit./ CNA





Lajmet e fundit nga