E fundit!

13:37 Aktualitet

Rekursi në Gjykatën e Lartë/ SPAK triumfon ndaj Veliajt

Sot në Gjykatën e Lartë është zhvilluar seanca për rekursi...

Shkodra shton parkimet me pagesë/ 11 rrugët dhe sheshet që përfshihen në skemën e re

4 Tetor 2024, 17:26, Aktualitet CNA

Shkodra shton parkimet me pagesë/ 11 rrugët dhe sheshet që

Bashkia Shkodër

Bashkia Shkodër do të shtojë parkimet e automjeteve me pagesë në qytet. Kështu, 11 rrugë dhe sheshe do të jenë pjesë e skemës së parkimit të automjeteve me pagesë në qytetin e Shkodrës.

Kjo u prezantua në dëgjesën publike të organizuar në sallën e këshillit bashkiak nga administrata vendore, ku nuk kishte pjesëmarrje të qytetarëve.

Oltion Luli, kryetar i Këshillit Bashkiak të Shkodrës tha se me këtë projekt-vendim përfitojnë si qytetarët shkodranë, ashtu edhe Bashkia Shkodër.

“Është një projekt-vendim që është diskutuar shumë me ekspertë të ndryshëm, qofta nga ana e specialistëve pranë Bashkisë Shkodër, i cili synon të përmirësojë problemet e trafikut të cilat në një mënyrë apo një tjetër prekin të gjithë qytetarët në Shkodër por jo vetëm.

Me urdhër të kryetarit të Bashkisë është ngritur ekipi i punës, i cili është marrë me hartimin e këtij projekt-vendimi, i përbërë nga 7 anëtarë.

Oltion Luli, kryetar i Këshillit Bashkiak të Shkodrës

Është një punë e cila paraqitet sot përballë publikut po në të njëjtën kohë kërkohet mendimi i specialistësve, të cilët mund ta përmirësojnë një projekt-vendim të tillë që të jetë sa më i zbatueshmë nga qytetarët shkodranë.

Është një projektvendim që ka përfitues qoftë qytetarët shkodranë, por në të njëtën kohë edhe institucionin e Bashkisë së Shkodrës”, deklaroi Luli.

Anëtari i grupit të punës, Pjerin Lazri, bëri të ditur rrugët ku parkimi do të jetë me pagesë. Tarifa e përcaktuar do të jetë prej 50 lekësh të reja në orë për autoveturat dhe 300 lekë për autobusët në Shirokë.

Anëtari i grupit të punës, Pjerin Lazri

“Bashkia Shkodër në kuadër të ushtrimit të veprimtarisë dhe funksioneve të saj ka marrë nismë për caktimin e disa zonave që do të vihen parkingje me pagesë.

Zonat tarifore me qëllim vendosjen e tarifës së shërbimit të parkimit publik do të përfshijnë akset si më poshtë:

Vendondodhjen me ngarkesën më të madhe me ndërveprime intensive financiare tregtare, institucionale apo sociale.

Një pjesë e rrjetit rrugor të kësaj zone mban aktivitetin e administratës publike, qendrat e biznesit, bankat, institucionet kulturore, aktivitetin turistik, lokalet, njësitë e shërbimit, pikat kryesore në të cilat janë konstatuar problematika në parkimin e mjeteve.

Në këto akse shërbimi i parkimit do të jetë me pagesë: Bulevardi Zogu i Parë, segment inga sheshi Parruz deri në sheshin Balshaj krahu i djathtë, si dhe përfshirë një pjesë të shkurtër të krahut të majtë që aktualisht është parkim public”, theksoi Lazri.

Ky projekt-vendim pritet të kalojë për miratim në këshillin bashkiak Shkodër./ CNA