web counter
LEXO PA REKLAMA!

SHKARKO APP

App Store
Google Play

E fundit!

x

Dështon komisioni “Xhafaj”/ Prokuroria e Përgjithshme injoron kërkesën

4 Tetor 2024, 11:27, Aktualitet CNA

Dështon komisioni “Xhafaj”/ Prokuroria e Përgjithshme

Prokuroria e Përgjithshme ka injoruar thirrjen e Komisionit Xhafaj për t’u bërë pjesë e mbledhjes.

Prokuroria e Përgjithshme nuk do të dërgojë ekspertë në mbledhje, por mund të vënë në dispozicion pikat e kontaktit.

“Nuk marrim pjesë me ekspertë, por vëmë në dispozicion pikat e kontaktit”, ka thënë Prokuroria e Përgjithshme.

"Prokuroria e Përgjithshme ka shprehur vullnetin të bashkëpunojë me Komisionin e Posaçëm Parlamentar “Për thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian” për çdo çështje të natyrës teknike që lidhet me kuadrin kushtetues e ligjor brenda të cilit funksionon prokuroria dhe sistemi i drejtesisë.

Prokuroria nuk do të marrë pjesë me ekspertë si pjesë të nëngrupit të punës së komisionit, por ka njoftuar komisionin për caktimin e pikave të kontaktit të institucionit sipas fushave përkatëse të ekspertizës, të cilët do të bashkëpunojnë me komisionin në formën e dhënies së opinioneve mbi produktet e punës së këtij të fundit në të gjitha rastet që do t’u kërkohet prej tij", thuhet në njoftim. 

Institucionet e Drejtësisë kanë bllokuar komisionin Xhafaj, i cili po rezulton një dështim pasi kanë refuzuar kërkesën për të marrë pjesë në mbledhje.

Sipas tyre të gjitha problematikat i kanë bërë me dije gjatë ushtrimit të detyrës dhe nuk e shohin të arsyeshme që të marrin pjesë në aktivitet për të dhënë llogari para ish-ministrit Fatmir Xhafaj, komisioni i të cilit synon të thërrasë në apel institucionet e drejtësisë dhe të pengojë dhe kontrollojë punën e tyre./ CNA





Lajmet e fundit nga