web counter
LEXO PA REKLAMA!

SHKARKO APP

App Store
Google Play

E fundit!

x

Kaseta e 21 Janarit, në SPAK/ Artan Hoxha: Shansi i fundit për të hetuar vrasjet

3 Tetor 2024, 21:14, Aktualitet CNA
Kaseta e 21 Janarit, në SPAK/ Artan Hoxha: Shansi i fundit për të
Gazetari Artan Hoxha

Gazetari Artan Hoxha ka folur mbrëmjen e sotme për audio-regjistrimin e 21 janarit që dorëzoi në SPAK.

Hoxha tha se ky audio-përgjim, të cilin e publikoi të deshifruar edhe në janar të 2023-shit, është mundësia e fundit që të hetohet ngjarja ku u vranë 4 protestues.

Ai deklaroi në një studio televizive se momenti më kryesor që i shërben hetimit nga ky audio-përgjim është momenti kur jepen urdhrat.

"Pas vendimit të Gjykatës së Lartë, që erdhi pas vendimit të Strasburgut, SPAK u detyrua ta hetojë këtë çështje. Për ironi të fatit e ka i njëjti prokuror që ka përfaqësuar SPAK në Gjykatën e Lartë. SPAK e ka nisur çështjen. Kërkesa e prokurorisë ishte të dorëzohej një regjistrim audio, që ka fiksuar komunikimet në kanal të vecantë të zinxhirit komandues të gardës, para, gajtë dhe pas vrasjeve.

Vrasjet nuk janë bërë sic është vendimi i gjykatës deri tani, që te jenë vrarë nga pakujdesia. Është thënë që garda nuk ka patur server të komunikimit në radio. Ndërkohë i kemi parë se kemi qenë aty, ata punonin me radio.

Edhe në procedurën e gardës, është komunikimi me radio marrëse. Unë kam patur kasetën, kemi gjetur kasetën e cila ka regjistruar komunikimet në radio. Kaseta tregon se vrasjet janë bërë me urdhër. Jepet urdhri për t’u qëlluar në trup. Momenti kur qëllohet është 7 sekonda.

Ky komunikim është vetëm i drejtuesve të gardës. Aty del vetëm ish drejtori i policisë së shtetit. Madje, ai komunikon me komandatin e gardës, i thotë hajde shpejt se nuk kam kohë të të pres, pra duket se komandanti i gardës është autonom.

Regjistrimi është aksesuar me diktofon, që ka patur akses në kanalin që komunikonin drejtuesit e gardës. E kam publikuar në janar 2023. Na u kërkua ta çonim në Prokurorinë e Tiranës dhe nuk e çuam, sepse ata kishin 12 vite dhe nuk kishin bërë asgjë. Nuk është thirrur asnjë nga personazhet e nivelit të lartë, këtë gjë nuk e bënte dot prokuroria.

Përse kërkonim t’ja conim SPAK? Të njëjtën linjë ka mbrojtur kreu i SPAK. Në regjistrim komunikohet me kode, unë kam deshifruar disa prej tyre. Nëpërmjet kodeve e shikon kush janë. Një pjesë e mirë e atyre, nuk janë më grusht bashkuar, por kanë mundësi të flasin.

E dyta, nuk ka mundësi sot të bëhet i njëjti presion si në atë kohë. Pjesa dërrmuese e provave janë fiksuar, por mungojnë dëshmitë dhe deklarimet, e njerëzve që thirrën protestën, menaxhuan protestën dhe më pas fshehën provat. Aty del që të shtënat kanë ardhur në momentin kur intensiteti ka rënë.

SPAK sot, për shkak të mjeteve që ka, burimeve njerëzore, situatës, është mundësia e fundit që të mund të hetohet kjo ngjarje. Kemi ende dy të vrarë pa autor, janë vrasje në mes të bulevardit. Momenti më kryesor, që i shërben hetimit, është momenti kur jepen urdhërat", tha Hoxha./ CNA





Lajmet e fundit nga