web counter
LEXO PA REKLAMA!

SHKARKO APP

E fundit!

x

“The Wall Street Journal”: Si nisi ideja e dhëndrit të ish-prtesidentit Trump për resorte luksoze në Sazan

5 Tetor 2024, 14:43, Aktualitet CNA

“The Wall Street Journal”: Si nisi ideja e dhëndrit të

Media prestigjioze amerikane “The Wall Street Journal” i ka kushtuar një artikull investimeve lukoze që synon të bëjë Jared Kushner, dhëndri i ish-presidentit amerikan Donald Trump.

Në artikull shpjegohet zanafilla e gjithçkaje. Disa muaj pasi u larguan nga Shtëpia e Bardhë në 2021, Jared Kushner dhe Ivanka Trump kaluan një javë me jaht së bashku me miqtë në plazhet e pacenuara të Shqipërisë.

Ata darkuan asokohe edhe me kryeministrin Edi Rama. Nga udhëtimi në Shqipëri, u mahnitën nga ishulli i Sazanit, ku Kushner i lindi ideja për të ndërtuar hotele luksoze aty.

Pas disa muajsh, kur u takua me Ramën në Forumin Ekonomik Botëror në Davos të Zvicrës, ai ia bëri një propozim.

Kushner e pyeti nëse do të ishte në rregull të shqyrtonte investime në Sazan dhe Rama i dha miratimin e tij. Dhëndri i ish-presidentit Trump tani po punon përpara me planet për një zhvillim prej 1 miliard dollarësh për resortet ultraluksoze. Ai po negocion detaje me qeverinë e Ramës për të vendosur vila ekskluzive në Sazan, ishullin ushtarak që ai vizitoi, një bazë të ish-nëndetëseve sovjetike ku bunkerë dhe tunele të braktisur janë të vendosur nëpër kodra shkëmbore.

Që kur u largua nga Shtëpia e Bardhë, ku shërbeu si këshilltar i lartë i vjehrrit të tij, presidentit të atëhershëm Donald Trump, Kushner ka ndërtuar një perandori të re biznesi.

Në Ballkan, Kushner iu drejtua liderëve të Shqipërisë dhe Serbisë për të zhvilluar prona të paluajtshme në toka publike pa pasur nevojë të kalonte nëpër ankand konkurrues, duke tërhequr kritika nga politikanët opozitarë në të dy shtetet./ CNA





Lajmet e fundit nga