web counter
LEXO PA REKLAMA!

SHKARKO APP

App Store
Google Play

“Prisni, do të vijnë ditë të zeza në shtator”/ Qytetari : E keqja është derë më derë

8 Gusht 2022, 20:05, Aktualitet CNA
“Prisni, do të vijnë ditë të zeza në
Foto ilustruese

Qytetarët dhe shoqëritë civile po protestojnë për vrasjen e 7-vjeçares Jonada Avdia nga oficeri i policisë, Arjan Tase.

Qytetarët kërkojnë drejtësi për vogëlushen, ndërsa kërkojnë shkarkimin e ministrave, Bledi Çuçi dhe Mirela Kumbaro.

Sipas një qytetari duhet të protestojmë pasi na presin ditë më të zeza në të ardhmen.

“Sot jam në këtë protestë për të protestuar kundër kokëfortësisë së kryeministrit që nuk shkarkon dy ministra. Nuk kam ardhur as për të mbështetur as ndonjë forcë politike, jam qytetar i lirë, i thjeshtë. Jam kundër kësaj arrogance. Në Holandë policia qëlloi një studente dhe ministri dha menjëherë dorëheqjen.

Ministrisë së Brendshme duhet t’i hiqet drejtuesi politik që është koka e gjarprit. Ministrisë së Turizmit duhet t’i hiqet Kumbaro që shiti Butrintin. jam qytetar i thjeshtë, patriot, në Shqipëri po komandojnë globalistët.

Arrogancën e kryeministrit dhe kokëfortësinë e tij për ta quajtur një gjë kalimtare dënoj me forcën e votës dhe shpirtit. Është arrogant, i pari që duhet të japë dorëheqjen është kryeministri. Pastaj ministri Çuçi dhe Kumbaro. Është ai përgjegjësi. Prisni se do vijnë ditë më të zeza në shtator. E keqja është derë më derë. Shqiptarët kanë 30 vjet që flenë gjumë. Kur të vijë e keqja, do thonë ua ç’na gjeti, prandaj duhet të protestojmë", është shprehur një tjetër qytetar./ CNA.al





Lajmet e fundit nga