web counter
LEXO PA REKLAMA!

SHKARKO APP

App Store
Google Play

"Po punojmë për reduktimin e çështjeve të mbartura"/ Braho: Ndryshimi i prokurorëve ndikon në shpejtësinë e hetimeve

27 Prill 2026, 11:00, Aktualitet CNA

"Po punojmë për reduktimin e çështjeve të

Kryeprokurori i SPAK-ut, Klodjan Braho, është shprehur se Prokuroria e Posaçme ka miratuar një strategji për reduktimin e çështjeve të mbartura dhe, sipas tij, është vënë në zbatim nga shtatori i 2025.

Braho foli edhe lidhur me ndikimin që ka ndryshimi i prokurorëve në hetimin e çështjeve, ku tha se kjo ngadalëson shpejtësinë e hetimeve. Ndërkohë tha se 70% e provave të hetimeve merren nga telefonat, për shkak se, sipas tij, celularët përdoren më shumë se pajisjet e tjera kompjuterike.

“Ka një numër çështjesh të mbartura. SPAK-u ka miratuar një strategji për reduktimin e çështjeve dhe është vënë në zbatim nga shtatori i 2025. Ka një komision të posaçëm që e mbikëqyr si zbatohet kjo strategji. Një ndër shkaqet, është që sot struktura është plotësuar, por nuk ka qenë kështu nga viti 2019-2023. Ka hapa pozitivë në këtë drejtim.

Se si do të ndikojë ndryshimi i prokurorëve, duam që të jemi realistë. Është shumë e ndryshme mënyra si e heton dhe përfaqëson në gjykim një prokuror që ka eksperiencë të gjatë me një prokuror që vjen në ditën e parë dhe përballet me një grup kriminal. Proceset gjyqësore do të vazhdojnë me të njëjtën shpejtësi, sepse kjo varet nga gjykata. Kurse në hetim kjo do ndikojë dhe do e ngadalësojë shpejtësine e hetimeve.

Telefonat celularë kanë numrin më të madh nga ku merren provat sepse përdoren më shumë se kompjuterat. Prokuroria ka ndryshuar procedurën e këqyrjes dhe marrjes së të dhënave nga telefoni celular, ku prokurorët i drejtohen gjykatës edhe për kontroll dhe për autorizim për të marrë të dhënat nga telefoni dhe përdorimin e tyre. Ne kemi filluar të zbatojmë në mënyrë direkte vendimin e Gjykatës Kushtetuese për aq sa e mendojmë të arsyeshme. Kemi ngritur një grup pune për të bërë një udhëzim me qëllim për të rregulluar nga ana juridike situatën se si do t'i kryejmë veprimet dhe për të unifikuar punën e prokurorëve”, tha Braho. /CNA





Lajmet e fundit nga