web counter
LEXO PA REKLAMA!

SHKARKO APP

App Store
Google Play

E fundit!

x

“Plumbi i Artë”/ Flet në GJKKO dëshmitarja e atentatit ndaj Arben Çetës

4 Dhjetor 2025, 14:58, Aktualitet CNA

“Plumbi i Artë”/ Flet në GJKKO dëshmitarja e

Në Gjykatën e Posaçme po zhvillohet seanca për dosjen “Plumbi i Artë”. Në seancën e sotme, ka dëshmuar ish-e fejuara e kushëririt të Arben Çetës, që u ekzekutua në Elbasan, në maj të 2014.

Për këtë atentat të akuzuar janë Talo Çela dhe Nuredin Dumani. Dëshmitarja ka qenë në vendin ku u bë atentati ndaj Çetës.

“Po darkoja me Armand Hoxhën, ish-të fejuarin tim sepse kisha ditëlindjen. Aty ishte Arben Çeta, e ka kushëri ish-i fejuari im. Në moment të fundit njoftuam Arben Çetën që të darkonte me ne, sepse ai jeton ngjitur me mua. Në dijeninë time, Arben Çeta kishte qenë në burg për një vrasje. Ndenjëm deri në orën 23:00 dhe më pas u larguam. Makinat tona ishin ngjitur, unë dhe Armandi ishim më vete, Çeta më vete. Në momentin që po iknim u qëllua në drejtim të Arben Çetës. Ai hyri njëherë drejt lokalit, ndërsa ne ishim akoma aty.

Vazhdonin ta qëllonin ndërkohë që ai u largua drejt lokalit. Ne patëm goditje të lehtë në këmbë. Arben Çeta u fut te pjesa e banakut në lokal. Unë u trondita sepse kisha ditëlindjen, më vonë u interesua ish-i fejuari im tek Arbeni.

Ngjarja ndodhi në muajin nëntor 2013, pashë vetëm një person me maskë. Ai gjuajti nga dy metra largësi. U futa direkt në makinë për të ikur. Nuk e pashë në çfarë drejtimi iku autori. Ishim te restorant 'Balla'. Xhamat e lokalit u thyen. Kisha dëgjuar që ai kishte bërë një vrasje dhe që sa kishte dalë nga burgu. Nuk vura re ndonjë shqetesim tek ai gjatë darkës. Edhe pse u plagosa ishte e vetëdijshme, shkova në spital mjekova plagën, njoftova dhe familjen”, është shprehur ajo në gjyq. /CNA

 





Lajmet e fundit nga