web counter
LEXO PA REKLAMA!

SHKARKO APP

App Store
Google Play

Ambasadori gjerman: SPAK nën drejtimin e Dumanit ka arritur suksese në luftën kundër krimit dhe korrupsionit

3 Dhjetor 2025, 18:12, Aktualitet CNA

Ambasadori gjerman: SPAK nën drejtimin e Dumanit ka arritur suksese në

Ambasadori gjerman Bergner gjatë takimit me Kryetaren e KLP-së, znj. Mirela Bogdani dhe një sërë anëtarësh të Këshillit të Lartë të Prokurorisë ka nënvizuar rolin e rëndësishëm, që KLP luan në ruajtjen e pavarësisë, integritetit, cilësisë dhe efikasitetit të prokurorive në Shqipëri.

Po ashtu Bergner theksoi se nën drejtimin e Altin Dumanit SPAK ka arritur suksese të rëndësishme në luftën kundër korrupsionit dhe krimit të organizuar.

Ambasadori gjerman theksoi se është shumë e rëndësishme që të vazhdojë të mbahet ky kurs.

Ai shprehu bindjen se zgjedhjet e ardhshme për kreun e SPAK do të zhvillohen në mënyrë transparente dhe se çdo anëtar i Këshillit të Lartë të Prokurorisë do të orientohet në vendimin e tij vetëm prej përgatitjes profesionale të kandidatëve dhe integritetit të tyre të padiskutueshëm.

"Nën drejtimin e Altin Dumanit SPAK ka arritur suksese jashtëzakonisht të rëndësishme në luftën kundër korrupsionit të të gjitha niveleve dhe krimit të organizuar. Eshtë e rëndësishme që të vazhdojë të mbahet ky kurs. Ne kemi besim, se zgjedhja e ardhshme do të zhvillohet në mënyrë transparente dhe se çdo anëtar i Këshillit të Lartë të Prokurorisë do të orientohet në vendimin e tij vetëm prej përgatitjes profesionale të kandidatëve dhe integritetit të tyre të padiskutueshëm”, thekson ambasadori gjerman Karl Bergner./ CNA





Lajmet e fundit nga