web counter
LEXO PA REKLAMA!

SHKARKO APP

App Store
Google Play

Reforma zgjedhore/ Gonzato: Kemi pritshmëri të larta për punën e komisionit të posaçëm, ka rol kyç

3 Dhjetor 2025, 10:41, Aktualitet CNA

Reforma zgjedhore/ Gonzato: Kemi pritshmëri të larta për

Ambasadori i Bashkimit Europian në Shqipëri, Silvio Gonzato, ka marrë sot pjesë në tryezën e organizuar me Komisionin Qendror të Zgjedhjeve. Gonzato foli lidhur me reformën zgjedhore ku theksoi se pjesëmarrja gjithëpërfshirëse politike është thelbësore për një demokraci moderne.

Ai tha se për arritjen e një reforme të duhur zgjedhore, luan rol kyç edhe puna e komisionit të posaçëm parlamentar. Gonzato u shpreh se pritshmërite e BE-së për punën e këtij komisioni janë shumë të larta, ndërsa tha se do të ketë mbështetjen e delegacionit për arritjen e një reforme gjithëpërfshirëse në përputhje me rekomandimet e OSBE/ODIHR.

“Reformat duhet të bëjnë të mundur që çdo qytetar të mund të marrë pjesë në zgjedhje i lirë. Pjesëmarrja gjithëpërfshirëse politike është thelbësore për një demokraci moderne. Shoqëria civile luan rol vendimtar në këtë drejtim. Por kyçe në të gjithë këtë është puna e komisionit për reformën zgjedhore. Pritshmëritë tona për punën e këtij komisioni janë shumë të larta. Ky komision duhet të shohë përtej proceseve që mund të jenë thjesht dhe jo vetëm strikte zgjedhore, por duhet të punojë edhe me komisionet e tjera për të hartuar politika dhe reforma në fusha të ndërlidhura. Të gjitha këto me synimin për të krijuar një mjedis të përgjithshëm, i cili garanton vërtet barazi në zgjedhje. Delegacioni i BE-së në Shqipëri pret të bashkëpunojë me komisionin dhe ta mbështesë atë në arritjen e një reforme gjithëpërfshirëse në përputhje me rekomandimet e OSBE/ODIHR, një rëformë të plotë për të cilën kemi kohë që bëjmë thirrje”, tha Gonzato. /CNA





Lajmet e fundit nga