web counter
LEXO PA REKLAMA!

SHKARKO APP

App Store
Google Play

Arben Malaj: Disa zyrtarë të arrestuar sot janë produkt i vendimeve të guximshme të SPAK-ut

2 Dhjetor 2025, 21:37, Aktualitet CNA

Arben Malaj: Disa zyrtarë të arrestuar sot janë produkt i

Ish-ministri, Arben Malaj e cilësoi sot SPAK-un si strukturën më efektive të shtetit në luftën kundër korrupsionit.

I ftuar në A2 CNN, Malaj tha se disa zyrtarë të arrestuar janë produkt i vendimeve të guximshme të Prokurorisë së Posaçme.

Malaj kujtoi edhe një mbledhje të vitit 2008, të të cilën kishte shprehur një mendim ndryhe të kryeministrit të sotëm Edi Rama lidhur me ndryshimet kushtetuese.

“Gjatë një mbledhjeje të zgjatur të vitit 2008 me Edi Ramën, kërkova që ndryshimet të shoqëroheshin me opinione profesionale nga ekspertë të së drejtës kushtetuese. Kjo kërkesë nuk u mor parasysh, ndaj refuzova t’i votoja ndryshimet, të cilat sot i konsideroj si pikënisje e dobësimit të demokracisë së brendshme të partive. Rama nuk ka dashur të dëgjojë, pavarësisht problemeve të qarta të qeverisjes. Vlerësoj rolin e SPAK-ut, si strukturën më efektive të shtetit në luftën kundër korrupsionit dhe kapjes së shtetit, i mbështetur nga të gjithë deputetët e Parlamentit. Disa zyrtarë të arrestuar sot janë produkt i vendimeve të guximshme të SPAK-ut. Nëse mandati i katërt i qeverisë kthehet në “fotokopje të të mëparshmëve”, situata në vend do të përkeqësohet”,-tha Malaj./CNA





Lajmet e fundit nga