web counter
LEXO PA REKLAMA!

SHKARKO APP

App Store
Google Play

Manuali Doganor për Pasagjerët/ Ja çfarë përmban dhe si funksionon

2 Dhjetor 2025, 17:17, Aktualitet CNA

Manuali Doganor për Pasagjerët/ Ja çfarë përmban dhe

Këtë të martë, në Aeroportin “Nënë Tereza” u prezantua për herë të parë Manuali Doganor për Pasagjerët.

Ky manual synon të shërbejë si një udhërrëfyes i qartë dhe praktik për të gjithë qytetarët që hyjnë apo dalin nga Shqipëria.

Manuali është i strukturuar në dy pjesë:

1. Për udhëtarët që hyjnë në territorin e Republikës së Shqipërisë;

2. Për udhëtarët që dalin nga territori i Republikës së Shqipërisë;

Në secilin prej këtyre seksioneve përfshihen informacione që lidhen me zhdoganimin e mallrave personale, produktet e ndaluara, deklarimin e valutës dhe sendeve me vlerë, mbrojtjen e trashëgimisë kulturore, mbajtjen e kafshëve shtëpiake, si dhe çdo rregull që ndihmon udhëtarët të planifikojnë udhëtimet e tyre në përputhje me ligjin.

Përmbajtja për udhëtarët që hyjnë në territorin e Republikës së Shqipërisë lidhet me një informacion të përgjithshëm në këto fusha: Mallrat dhe produktet e konsumit, Valuta, Kafshët, Speciet e mbrojtura, Pasuritë kulturore, Armët, Mjetet e transportit, Medikamentet, Mallrat e falsifikuara dhe Kontrollet doganore.

Përmbajtja për udhëtarët që dalin nga territori i Republikës së Shqipërisë jep një informacion lidhur me: Mallrat që merren me vete gjatë largogimit, Eksportimi i produkteve të akcizës, Mallrat e ndaluara për eksport, Deklarimi i valutës në dalje, Kafshët shtëpiake, Barnat dhe medikamentet dhe Rregullat për kalimin kufitar ajror.

Qëllimi i këtij manuali është të ndihmojë udhëtarët të shmangin gabimet, të respektojnë detyrimet dhe të kalojnë me lehtësi dhe transparencë përmes pikave doganore shqiptare.

Manuali është i aksesueshëm përmes QR code në pikat doganore dhe online në faqen zyrtare të Doganës./CNA





Lajmet e fundit nga