web counter
LEXO PA REKLAMA!

SHKARKO APP

App Store
Google Play

Ndryshime në Policinë e Shtetit/ Emra të rinj në Elbasan, Korçë dhe Shkodër

2 Dhjetor 2025, 19:01, Aktualitet CNA

Ndryshime në Policinë e Shtetit/ Emra të rinj në Elbasan,

Policia e Shtetit po i nënshtrohet një riorganizimi të rëndësishëm në nivel drejtuesish rajonalë. Drejtori i Përgjithshëm, Ilir Proda, ka hapur zyrtarisht garën për pozicionet e drejtuesve të qarqeve Elbasan, Korçë dhe Shkodër, në përputhje me ligjin për rifreskimin e strukturave drejtuese.

Në listën e aplikantëve përfshihen disa emra me eksperiencë të gjatë në radhët e uniformave blu, midis tyre Loard Sallaku, Uljan Shpataraku, Islor Islami, Alban Çela dhe Dritan Lena.

Kush pritet të drejtojë Elbasanin?

Një nga kandidatët më të fortë për drejtimin e Policisë së Elbasanit është oficeri i karrierës Loard Sallaku, i cili numëron 21 vite eksperiencë në radhët e Policisë së Shtetit. Prej pesë muajsh ai mban detyrën e drejtorit të komanduar të Policisë së Kukësit dhe konsiderohet një prej emrave me perspektivë në strukturat drejtuese.

Lëvizje edhe në Korçë

Për drejtimin e Policisë së Korçës, potencial mbetet Uljan Shpataraku, me mbi 15 vite eksperiencë. Ky post është vakant pas largimit të ish-drejtorit Erjon Ahmeti, i shkarkuar nga Proda.

Shkodra drejt konfirmimit të një emri të njohur

Aktualisht, drejtimin e Policisë së Shkodrës e mban i komanduar Gentian Berberi, i cili vitin e shkuar fitoi konkursin për drejtimin e Policisë së Kukësit. Pas pesë muajsh në Shkodër, ai është pjesë e listës së fituesve në garën e hapur dhe pritet të konfirmohet zyrtarisht në këtë detyrë.

Kush do të drejtojë Kukësin?

Për qarkun e Kukësit, gara është mes tre oficerëve: Islor Islami, Alban Çela dhe Dritan Lena, nga të cilët pritet të dalë drejtuesi i ri.

Procesi i përzgjedhjes pritet të finalizohet së shpejti, duke sjellë një ristrukturim të rëndësishëm në kupolën drejtuese të Policisë së Shtetit./ CNA





Lajmet e fundit nga