web counter
LEXO PA REKLAMA!

SHKARKO APP

App Store
Google Play

E fundit!

x

Financimet e partive politike/ Celibashi: Brenda dhjetorit të miratohet ligj i ri që të garantojë transparencë

3 Dhjetor 2025, 12:59, Aktualitet CNA

Financimet e partive politike/ Celibashi: Brenda dhjetorit të miratohet

Kryekomisioneri i KQZ-së, Ilirjan Celibashi, mbajti fjalën e tij në konferencën për financimin politik dhe reformën zgjedhore, që u organizua nga International IDEA dhe Qendra për Sundimin e Ligjit e Universitetit të Helsinkit, në bashkëpunim me Komisionin Qendror të Zgjedhjeve. Celibashi ngriti shqetësimin për nivelin e ulët të transparencës financiare të partive politike në vend.

“Në vitin 2024, 84 parti, nga 135 të regjistruara, nuk kanë dorëzuar raport financiar vjetor në KQZ. Në vitin 2023 ishin 82 nga 132 parti të regjistruara në atë kohë dhe në vitin 2022, 83 nga 131 parti politike nuk e dorëzuan raportin financiar. Në vitin 2024, 38 parti politike ishin të paaksesueshme ose të pakontaktueshme për pasaktësi të adresës ose mungesës së kontakteve të tjera. Në 2023-shin ishin 69 parti, mbi gjysma e partive, që mund të përkufizohen si jofunksionale në aspektin administrativ”, tha Celibashi.

Ai deklaroi më tej se brenda këtij muaji duhet miratuar një ligj i ri me rregulla të përmirësuar për financimin e partive politike dhe subjekteve zgjedhore.

"KQZ është përpjekur ti japë zë nevojës për përmirësim të kuadrit ligjor që ka të bëjë me financimin e partive politike dhe subjekteve zgjedhore. Të gjithë aktorët politikë, institucionalë, apo edhe të tjera konsiderojnë se kemi nevojë për rregulla të përmirësuara për financimin e partive politike dhe subjekteve zgjedhore.

Më qëllim që këto përmirësime të na garantojnë:

1 . Qartësi të plotë se kush financon kë, sa? 2. Auditim të plotë dhe domethënës

3.  Eficencë të institucioneve mbikëqyrëse dhe kontrolluese të financimit", tha Celibashi. 

Kryekomisioneri propozoi gjithashtu që kontrolli vjetor të bëhet vetëm për partitë me aktivitet real dhe që marrin fonde nga buxheti i shtetit.

“KQZ propozon se kontrolli vjetor të kryhet vetëm për partitë që kanë aktivitet real dhe që përfitojnë fonde nga buxheti i shtetit, gjë që do të eliminonte auditimin formal të partive jofunksionale dhe do të fokusonte burimet te partitë që ndikojnë realisht në sistemin politik. Partitë që nuk raportojnë nuk duhet të lejohen të marrin pjesë në zgjedhje. Ndërsa ato që kanë marrë fonde publike dhe nuk kanë paraqitur aktivitetin e tyre duhet të përballen me sanksione financiare”, u shpreh kreu i KQZ-së. /CNA





Lajmet e fundit nga