web counter
LEXO PA REKLAMA!

SHKARKO APP

App Store
Google Play

Pezullimi i Ballukut/ Balla: Mendova se ishte lapsus, përgjigjen e ka vetëm Kushtetuta

3 Dhjetor 2025, 22:39, Aktualitet CNA

Pezullimi i Ballukut/ Balla: Mendova se ishte lapsus, përgjigjen e ka

Kreu i Grupit Parlamentar të PS-së, Taulant Balla ndau sot qëndrimin e tij në emisonin “Opinion” me gazetarin Blendi Fevziu, lidhur me vendimin e Gjykatës së Posaçme për pezullimin nga detyra të Zëvendëskryeministres dhe Ministres së Infrastrukturës dhe Energjetikës, Belinda Ballulku.

Balla u shpreh se në fillim kishte menduar se bëhej fjalë për ndonjë lapsus, pasi sipas tij është jashtë kompetencave të një gjykate.

Sipas Ballës, Kushtetuta e përcakton mjaft qartë mënyrën sesi duhet vepruar në këto raste.

“Kam përgënjeshtruar personin që përmendet (Berishën) për ministrat e pezulluar nepër botë dhe ju them me bindje të thellë se kam menduar se ka qenë ndonjë lapsus, se nuk më ka shkuar në mendje se ndonjë gjyqtar, për të cilët kam respekt, që t’i jetë referuar një kodi të procedurës penale ndërkohë që Kushtetuta e ka përgjigjen. Më vjen keq që Kushtetuesja po merr kaq kohë, se as deputeti dhe as ministri nuk pezullohet. Nuk kanë qenë budallenj ata që kanë bërë Kushtetutën. Nuk ka vend në botë që të shkruhet se shkarkohet. Pra Sabri Godo dhe të tjerë e dinin kur e shkruajtën Kushtetutën, por kanë ardhur ca të tjerë më pas, përfshirë edhe mua që kemi shkrauar disa nene të tjera dhe është votuar nga 140 deputetët. Pra, vendimi për një pezullim nuk mund të bëhet vetë, se është rast i paligjshëm. Edhe vetë gjyqtari pezullohet me vendim nga KED, pas nisjes së procesit hetimor. Ose Kushtetusja të thotë që të shtohet edhe një element tjetër siç është pezullimi ose sikurse e shoh unë që të ketë delegim”,-tha Balla./CNA





Lajmet e fundit nga