E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Përgjimet e "SKY"/ Zbulohet plani i Talo Çelës për t'u larguar drejt Brazilit: Do të kem emër tjetër

30 Gusht 2024, 11:16, Aktualitet CNA

Përgjimet e "SKY"/ Zbulohet plani i Talo Çelës

Talo Çela

Talo Çela, një nga njerëzit më të kërkuar të policisë ka dalë edhe në komunikimet e “Sky”. Sipas gazetarit Elton Qyno, Çela, i cili u ka shpëtuar edhe disa atentateve, po përgatiste largimin e tij nga vendi, duke shfaqur mendim se do vendosej në Brazil me emër tjetër.

“…do iki në Brazil, andej me emër tjetër po doli prova këtu për Rinasin, s’kam ku rri më kot këtu në Shqipëri. Këtu merr 20 vjet, plus dhe këto vrasjet e leshit…”, thotë Talo Çela në “Sky”.

Sipas gazetarit, këtë bisedë i shumëkërkuari e ka bërë në muajin 14 korrik 2020, gati 1 vit e 3 muaj nga supergrabitja e miliona eurove të kryer brenda barkut të avionit të linjës Tiranë-Vjenë në aeroportin e Rinasit.

Për policinë Talo Çela ishte organizatori i kësaj supergrabitje së bashku me vëllezërit Çala dhe Gramoz Murataj. Madje në komunikimet në "Sky", ai pranon se ishte njëri nga kryesorët e grabitjes dhe shoferi i furgonit të bardhë me mbishkrimin “Hetimi Tatimor”.

Por njeriu më i kërkuar Talo Çela shprehet, se shteti nuk ka prova kundër tij për këtë ngjarje.

Në 7 janar 2021 Talo Çela i shkruan shtetases Mariola Mandit duke i thënë se Alkond Bengasi ka kundërshtuar çdo akuzë kundër nesh.

”…spiuni e tërhoqi akuzën për çështjen e Rinasit dhe ka mohuar çdo akuzë kundër nesh…”-i shkruan Talo Çela.

Një ditë më pas në 8 janar 2020, komunikon me Mariola Mandin dhe flet për bashkëpunëtorin e drejtësisë, Klevis Allën, duke e quajtur spiun.

Në këtë bisedë data e komunikimit nuk korrespondon pasi Klevis Alla është arrestuar në muajin maj 2020.

Sipas bisedës Alkond Bengasi e ka kthyer 360 gradë deklarimin e tij. Gjithashtu nga biseda e zhvilluar ndërmjet Talo Çelës dhe Mariola Mandit, evidentohet se vëllezërit Çela, kanë biseduar me të dy spiunët, Alkond Bengasi dhe Klevis Alla.

Më tej, në 14 korrik 2020, Talo Çela ka biseduar me një person tjetër duke i thënë se: "…shpreson mos të ketë prova për Rinasin…”./CNA