web counter
LEXO PA REKLAMA!

SHKARKO APP

App Store
Google Play

E fundit!

x

Nis protesta para Bashkisë Tiranë/ Qytetarët, të vendosur për të larguar Veliajn

29 Gusht 2024, 11:26, Aktualitet CNA
Nis protesta para Bashkisë Tiranë/ Qytetarët, të vendosur
Foto nga protesta para Bashkisë Tiranë

Nis protesta para Bashkisë së Tiranës, ku qytetarët po kërkojnë dorëheqjen e kryebashkiakut Erion Veliaj. 

Me pankarta në duar kundër Veliajt, qytetarët shprehen se kryebashkiaku është një hajdut dhe se drejtësia duhet të veprojë. 

"Sistemi i drejtësisë duhet të veprojë në këtë institucion dhe ndaj Erion Veliajt.  Veliaj me Romina Kuken nuk thërrasin mbledhjen e Këshillit Bashkiak", u shpreh Besart Xhaferri.

Sot po zhvillohet protesta e 23-të para Bashkisë së Tiranës.

Protestat para kësaj bashkie po zhvillohen për skandalet që kanë ndodhur në këtë institucion, siç janë afera e inceneratorëve dhe dosja "5D", ku janë arrestuar pas hetimeve të SPAK-ut, një sërë drejtorësh. Qytetarët kërkojnë me ngulm që Veliaj të vihet para drejtësisë.

Edhe vetë Veliaj u mor në pyetje nga SPAK-u për aferën e inceneratorëve, ndërsa gjykata lëshoi disa javë më parë masa të tjera sigurie. 

Ndërkohë hetimet për inceneratorët vazhdojnë, ka shkuar në SPAK grupi i parë, janë edhe dy grupe të tjera. Fillimisht u akuzuan për korrupsion, por tashmë mbi personat e përfshirë rëndon edhe akuza e grupit të strukturuar kriminal për një aferë rreth 130 milionë euro, për një incenerator që nuk ekziston.

Në protestat e fundit nuk kanë munguar tensionet, përplasjet me policinë, pasi protestuesit kanë tentuar të futen brenda godinës së bashkisë./CNA 





Lajmet e fundit nga