E fundit!

14:27 Aktualitet

Gjykata e Lartë publikon listën me kandidatët për anëtarë të KLGJ-së, ja kur do të mbahen zgjedhjet

Gjykata e Lartë ka shpallur kandidatët zyrtarë për anëtarë...

Pogradec, niveli i pagave në sektorin privat deri në 2 mijë euro

29 Gusht 2024, 17:51, Aktualitet CNA

Biznesi pogradecar gjithmonë e më shumë po ecën me hapin e kohës në teknologji, ambiente dhe paga të larta. Kryetari i Bashkisë Pogradec Ilir Xhakolli vizitoi nga afër ambientet e reja të Bregu Alumin, i cili falë përkushtimit dhe punës me pasion ja ka dalë të shtrihet gjerësisht jovetëm në vend por edhe Europë e deri në Amerikën e largët.

Xhakolli ndoqi nga afër proceset e punës, kushtet e puntorëve të cilëve krahas pagave shumë të mira, iu ofrohej shërbim ushqimor falas në ambientin e punës.

Problemi i vetëm me të cilin përballej Luli drejtuesi i kompanisë, ishte krahu i punës, ndaj për këtë Xhakolli u angazhua që pranë shkollës profesionale të hapen edhe degë të kësaj fushe. Jovetëm do përgatiten zanatçinj të rinj, por nesër kanë edhe një vend të sigurtë pune.

Drejtuesi i biznesit informoi kryebashkiakun se pagat fillojnë nga 600 deri në 2 mijë € për ustain e parë, ndërsa sot për sot ofron 20 vende të lira pune.

Biseda

Xhakolli: Ju keni shumë që eksportoni? Nga cilat vende?

Luli: Belgjika është kryesisht, Franca, Gjermania, tani kemi filluar në Amerikë.

Xhakolli: Keni probleme me stafin?

Luli: Momentalisht sot jemi 20 veta, kam nevojë për 20 të tjerë. Me pagat deri tani janë të kënaqur kryetar, s'kemi probleme se dhe nuk jam kursyer për asgjë. Por ka mungesë për faktin se duan të ikin jashtë.

Xhakolli: Ndoshta duhet të hapësh ambiente si zyra, ose si tip shkolle në ambientet tuaja për të marrë nxënës për t’i mësuar. Ose të mbështetim ne edhe me shkollën profesionale.

Luli: Atë do thoja, kam folur për të hapur një kurs për mobileri, dhe çfarë i përket kësaj fushe.

Xhakolli: Çfarë prodhon tani?

Luli: Dyer, dritare, xhama, komplet të gjitha. Dhe këto janë për në Kanada që po përgatiten tani.

Xhakolli: Çfarë nevoje ke ti për nga bashkia?

Luli: Nga bashkia çfarë kam kërkuar deri tani i kam patur mbështetje maksimale. Mesa kam parë unë jashtë nuk ja vlen që të lëvizësh.

Xhakolli: Sidomos në këto momente, është shumë e vërtetë.

Luli:Ustai i parë këtu tek unë merr 2 mijë euro në muaj.

Xhakolli: Pjesa më e rëndësishme është për punonjësit. Këtu duket të fokusohemi edhe ne, edhe ju.

Luli: Kushtet për punonjësit kemi detyrim t’ua sigurojmë maksimalisht. Unë e kam edhe me mensë brenda, ushqimi është i përfshirë. Është falas.

Xhakolli: Unë të uroj të ecësh sa më mirë, na ke gjithnjë pranë, çfarë të të duhet, t’i heqim ato burokracitë. Punonjës të duhen akoma dhe ne na takon nëpërmjet zyrës së punës ta zgjidhim./ CNA