web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet me kë u takua Talo Çela/ A u planifikua vrasja e Ervis Martinajt, në rrugën e Dibrës?

19 Shtator 2022, 13:02, Aktualitet CNA

Zbulohet me kë u takua Talo Çela/ A u planifikua vrasja e Ervis

Hakerat kanë zbardhur e-mailet e ish-drejtorit të përgjithshëm të policisë.

Në njërin prej tyre flitet edhe për Talo Çelën shumë të kërkuarin nga policia, për të cilin më herët janë ngritur dyshime se është vrarë.

Sipas e-mailit të publikuar nga hakerat, Çela është parë teksa lëviz dy herë në Tiranë, në korrik dhe në gusht të këtij viti.

Një burim i ka treguar Gledis Nanos se më 5 gusht 2021 pas orës 20.00, Çela ka shkuar në një hotel me adresë te Rruga e Dibrës, i shoqëruar nga tre persona të tjerë që e ndiqnin me makinë.

Vetë Çela udhëtonte me një "Audi Q8" së bashku me një grua dhe një fëmijë herën e parë kur është parë më datë 25 korrik ndërsa herën e dytë është parë vetëm.

Në e-mailin informues thuhet se i shumëkërkuari Çela, ka pasur kontakt edhe me Ervin Matën, të cilit i ka thënë se duhet të ketë kujdes nga kundërshtarët e shumtë.

Burimi i informacionit të Nanos dyshon se Ervin Mata mund ta përdorë Talo Çelën për të eliminuar ndonjë nga kundërshtarët e tij.

Kujtojmë se Ervin Mata ka pasur përplasje me Ervis Martinajn në ngjarjen e bllokut me 4 tetor 2018.

E-maili i plotë:

Drejtoria e Antiterrorit ka administruar një  informacion  i cili bën fjalë  për personin në kërkim Talo Çela dhe disa lidhje me interes të tijë.

Sipas informacionit, personi në kërkim Talo Çela prej disa kohësh  është parë të lëvizë në Tiranë. Me datën 5 Gusht 2021 pas orës 20.00 ai ka shkuar tek një hotel me adresë  tek Rruga  e Dibres. 

Atje ai ka shkuar i shoqëruar nga tre persona të tjerë të cilët kishin në përdorim nje mjet tip golf ngjyrë gri kurse vetë udhëton me një mjet tip Audio Q8 ngjyrë blu të errët me targa gjermane.

Burimi ka informuar se në këtë objekt, Talo Cela ka qenë dhe para dy javësh, rreth datave 25-26 Korrik 2021.

Herën e parë, Talo është parë na makinë me një femër dhe një femijë kurse  me datën 5 ka qënë vetëm. Sipas informacionit, Talo Çela ka marrë kontakt me shtetasin Ervin Mata.

Sipas burimit, Ervinit i kanë thënë se me këtë duhet pasur kujdes se ka shumë kundërshtarë dhe se mund ta vrasin. Ervini i është përgjigjur që le të bëjnë   cfarë të duan, për mua ka rëndësi që të mos më ndodhë  ngjarje  tek objekti im.Burimi i informacionit dyshon se Ervin Mata mund ta përdorë Talon për të eleminuar ndonjë nga kundërshtarët e tij.

Ju  bëjmë me dije se nga ana jonë është këmbëngulur  se sa të sigurtë e ka burimi këtë informacion dhe ai ka ngulur këmbë se është tepër e sigurtë për këto takime dhe personi që e ka vënë në dijeni është lidhje e afërt e Ervin Matës dhe ngul këmbë që të ruhet pasi është një ndër përsonat e pakët që ka dijeni për takimet e Talos me Ervin Matën./CNA.al





Lajmet e fundit nga