"Nuk kam faj"/Rrëfimi i trishtë i 26-vjeçares: Do e mbaj kokën lart, përdhunuesit të marrin atë që meritojnë

28 Tetor 2023, 10:35, Aktualitet CNA

"Nuk kam faj"/Rrëfimi i trishtë i 26-vjeçares: Do e

26-vjeçarja nga Vlora, e cila është viktimë e një abuzimi seksual ka rrëfyer për emisonin "Piranjat" disa momente të trishta dhe ka dhënë edhe disa mesazhe.

Ajo është shprehur se nuk ka asnjë faj në atë që ndodhi dhe se i kujtohet para syve çdo gjë. Vajza tregon se ka marrë këcënime që të tërhiqte dëshminë në polici nga të afërm të personave të akuzuar.

Më tej, 26-vjeçarja thotë se do të vazhdojë të mbajë kokën lart dhe nuk do të lejoj askënd që të shkelë dinjitetin e saj. Sipas saj, përdhunuesit duhet të marrin atë që meritojnë.

"Kam vendosur të dal sonte këtu pa fytyrë për shkak të opinionit të njerëzve por jo se jam me faj. Çfarë ka ndodhur e kam treguar aq sa kam qënë e vetëdijshme nuk gënjej sepse akoma e kam parasyve çdo gjë. U zgjova në spital dhe nuk pashë nënë time por nënën e dikujt tjetër. Edhe pse isha e përgjumur nuk më pyeti se si jam por më tha tërhiq çdo gjë që ke thënë dhe unë normal që kam frikë që ata kanë njohje kanë lekë dhe njohin njerëz ndërsa unë vij nga një familje e thjeshtë që jeton në fshat, por nuk do shkelin kurrë dinjitetin tim siç u munduan të ma shkelin. Do vazhdoj të them të vërtetën kokën do ta mbaj lart edhe për ata që më shajnë dhe më kërcënojnë, kurrë nuk do të ndodhë me dëshirë ajo gjë prandaj do të bërtas për të vërtetën time. Përdhunuesit të marrin atë që meritojnë dhe unë atë që meritoj. Këto ditë kam marrë me mijëra mesazhe mbështetëse nga njerëz që nuk i njoh, i falënderoj", shkruante ajo në letrën që u lexua nga moderatorja Dojna Mema.

Përdhunimi i 26-vjeçares:

E reja u përdhunua në grup më 21 tetor në një hotel në Vlorë nga i dashuri i saj dhe shokët e tij.

Dy prej tyre ndodhen në qeli, ndërsa i treti është në kërkim. Ndërkohë policia po punon për kapjen e 36-vjeçari me inciale V.K., banues në Vlorë, pasi ky i fundit akuzohet për veprën penale “Nxitja për përdorimin e drogës"./CNA