web counter
LEXO PA REKLAMA!

SHKARKO APP

App Store
Google Play

“Qytetarët presin peshkun e madh”, Neritan Ceka: Kjo nuk është dosja e duhur për të dënuar Sali Berishën

27 Tetor 2023, 21:53, Aktualitet CNA
“Qytetarët presin peshkun e madh”, Neritan Ceka: Kjo nuk
Historiani, Neritan Ceka

Historiani, Neritan Ceka ka folur lidhur me akuzat që rëndojnë nga SPAK mbi ish-kryeministrin, Sali Berisha.

Ai thotë se “miti  Berisha” ka rënë, madje shprehet se kjo ka ndodhur që në momentin që ish-kryeministri erdhi në pushtet për herë të dytë në vitin 2005, pas këtij momenti sipas tij ai ka qenë vetëm një politikan karriere.

Ceka thotë se kjo nuk është dosja e duhur për të dënuar Sali Berishën. Ai shton se qytetarët duan “peshkun” e madh, presin një gjykim të vërtetë, të përballin një politikan para historisë.

“Si historian kam gjithmonë paralele. Dhe kjo më kujton, dënimin e bllokmenëve. Ata dogjën 40 vjet të jetës sonë. Pati të burgosur politik, shpronësime dhe të tjera. Unë nuk prisja që ata që u munduan dhe i shkaktuan kaq bëma popullit shqiptar, të dënoheshin për një kafe. Kjo nuk është dosja e duhur për të dënuar Sali Berishën. Ata presin peshkun e madh. Presin një gjykim që vërtetë ta përballin një politikan para historisë. Unë besoj që qeveria jonë është inteligjente. Procedurat janë elementi më  themelor për një njeri me kulturë. I gjithë ky proces historik nuk ka procedura. Unë besoj që jemi në një nivel politikanësh, të cilat janë politikanët e një populli që nga 4 milion ka përfunduar në 2 milion. Një popull që nuk ka interes të punojë në vendin e tij me rrogat që merr dhe ikën jashtë vendit. Në këtë peisazh, nuk ka me heronj”, shtoi Ceka./ CNA





Lajmet e fundit nga