web counter
LEXO PA REKLAMA!

SHKARKO APP

App Store
Google Play

“Nga arrestimi i Veliajt, te dosjet e krimit”/ Klodiana Lala bën bilancin e SPAK-ut

29 Dhjetor 2025, 21:22, Aktualitet CNA

“Nga arrestimi i Veliajt, te dosjet e krimit”/ Klodiana Lala

Gazetarja Klodiana Lala u ndal sot te disa nga aksionet më të rëndësishme që janë kryer gjatë këtij viti nga Prokuroria e Posaçme.

E ftuar në emisionin “Të paekspozuarit”, Lala theksoi se aksionet janë shoqëruar me kontrolle në banesa, marrje telefonash dhe kontrolle në biznese.

Lala renditi edhe disa nga çështjet më të bujshme të këtij viti, nga arrestimi i kryebashkakut të Tiranës Erion Veliaj, e deri te ngjarjet e njohura kriminale.

“Ka patur kontrolle te të besuarit e Ballukut, shefja e kabinetit të saj, mendohet se në banesën e saj dhe në telefon mund të gjenden të dhëna që i shërbejnë hetimit. Është marrë telefoni i administratores së KESH. Janë kontrolluar Erald Elezi dhe Gential Gjyli që janë me masa sigurie. 

Janë kontrolluar biznesmenët, Rrok Gjokaj, është marrë telefoni bashkë me të të birit. Është kontrolluar banesa e Ilir Shtufit, Paqësor Buzi. Të gjithë këto telefonat apo pajisje kompjuterike, janë dërguar për ekspertim në laboratorë, dihet që ka edhe ekspertë të huaj. Nëse do të gjenden prova do të përdoren në përballjen mes SPAK dhe Këshillit të Mandateve dhe Imuniteteve për kërkesën e arrestit të Ballukut.

Në dritë kanë dalë komunikime të reja. Po hetohet për koncesionin Thumanë-Kashar. Po hetohet Balluku dhe Gener 2 që ka lidhur kontratën. Është rrugë, pa ndonjë investim të jashtëzakonshëm, është rrugë që ka qenë ekzistuese. Koncesion që për 35 vjet shkon në 1.3 miliardë euro. SPAK, nisur nga disa komunikime të Ballukut me Berberin, ka ngritur dyshime që kjo sipërmarrje ka qenë e paracaktuar. Ajo thotë që pronari i kompanisë mund të jetë një ushtar dhe po i bëj nderin e jetës, biznesmenit Bashkim Ulaj.

Janë kryer kontrolle pra në disa biznesmenë, pritet të ketë zhvillime të mëtejshme.

Dosja e AKSHI, e kemi trajtuar, po pyeten persona të ndryshme. Ka hetim për një numër zyrtarësh policie, pasi janë filmuar në zyrën e Agasit.

Se çfarë kanë përgjimet janë top sekret, por ka një hetim të ri që përfshin zyrtarët me të lartë të policisë së shtetit. Po hetohet edhe zhdukja e Daniel Shimës. Janë gjetur element që e bëjnë të dyshojë se mund të ketë patur rrëmbim. SPAK nuk varet nga hetimi që bën prokuroria e juridiksionit të zakonshëm. Se sa do të ecë kjo çështje mbetet për tu parë.

SPAK, sigurisht e kam mbështetur në rastet kur politika e vjetër është bërë bashkë duke fyer dhe përgojuar dhe intimiduar prokurorë dhe gjyqtarë. SPAK ka bërë hapa domethënëse, kemi ish-kryeministër, ish-president, zv.kryeministër, e me radhë, grupe kriminale.

Për 2025, Meta u dërgua në gjykim. Dy goditjet e rëndësishme, arrestimi i Veliajt në shkurt, i pandehur për 13 akuza. Goditja tjetër, është zv kryeministrja. Ka partur goditje krimi i organizuar, Ervis Çela dhe Franc Çopja, e konsideruar si organizata më e madhe shqiptare që ka operuar në amerikën latine, Europë dhe Shqipërinë. Mendohet se kanë pastruar 200 mln euro në Shqipëri.

Ka patur edhe goditje të Troplinëve në Durrës, Visi i Pojës. Goditje e njerëzve të Policisë së Shtetit. Pra janë pak a shumë bilancet e 2025. Ka edhe çështje që vijojnë, siç është abuzimi me fondet e BE",-tha Lala./CNA





Lajmet e fundit nga