web counter
LEXO PA REKLAMA!

SHKARKO APP

App Store
Google Play

"Plasi më në fund edhe syri i keq"/ Rama reagon për mungesën e ujit në Vlorë

29 Dhjetor 2025, 14:42, Aktualitet CNA

"Plasi më në fund edhe syri i keq"/ Rama reagon për

Kryeministri Edi Rama, me anë të një postimi në platformën "X" ka reaguar për mungesën e ujit në qytetin e Vlorës.

Rama shkruan se pjesët e reja hidraulike do të mbërrijnë brenda ditës së sotme për t’u bërë i mundur riparimi.

Kryeministri shkruan se në vitet 2009-2010 janë instaluar pjesë jashtë standardeve.

Më tej, Rama u kërkon ndjesë vlonjatëve për këtë situatë duke e quajtur sy të keq.

 

Reagimi i Ramës

 

Drejt aeroportit të Stambollit për të ardhur sot brenda ditës, pjesët e reja hidraulike për riparimin e difektit të rëndë në ujësjellësin e Vlorës, ku në vitin 2009-2010 janë instaluar pjesë  hidraulike jashtë standarteve, që nuk e kanë mbajtur dot më presionin e ujit dhe për pasojë tubacioni ka shpërthyer…

Respekt për punën e palodhur të punëtorëve të ujësjellësit Vlorë, që nën drejtimin e drejtorit të përgjithshëm të Agjencisë Kombëtare të Ujësjellës-Kanalizimeve,  inxhinierit të njohur Flauers Shoshi, i cili prej disa ditësh e netësh gjendet në krye të operacionit të vështirë, po bëjnë të pamundurën për ta mbyllur këtë plagë të hapur në trupin e Vlorës prej një mine të vjetër nga një kohë e zezë për Vlorën.

Vlonjatëve të mi u them ndjesë për tërë këtë peripeci të pamerituar dhe siç thoshin gjyshet tona plasi më në fund edhe syri i keq pas tërë këtyre viteve të mira për Vlorën, e ja që kush i do të keqen Vlorës, veç të keqen do i marrë.

 





Lajmet e fundit nga