E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Marshimi i Paqes në Elbasan/ Toka është amanet, jo pronë

29 Janar 2026, 17:39, Aktualitet CNA

Më 29 janar 2026, në qytetin e Elbasanit u zhvillua Marshimi i Paqes 2026, një aktivitet qytetar dhe ndërfetar i organizuar nga Qendra e Bashkëpunimit Ndërfetar, me pjesëmarrjen e institucioneve shtetërore dhe vendore, komuniteteve fetare, institucioneve arsimore, shoqërisë civile, të rinjve dhe qytetarëve.

Tema e këtij viti ishte “Mjedisi dhe ruajtja e planetit”, e shoqëruar me moton “Një planet – Një përgjegjësi – Një e ardhme” dhe mesazhin “Toka është amanet, jo pronë.”

Aktiviteti u hap nga Pastor Ilirian Gjoni, Drejtor Ekzekutiv i Qendrës së Bashkëpunimit Ndërfetar, i cili theksoi rëndësinë e bashkëpunimit ndërfetar dhe qytetar në ndërtimin e paqes dhe në mbrojtjen e mjedisit si përgjegjësi morale dhe shoqërore.

Fjala kryesore u mbajt nga Dr. Arben Ramkaj, Kryetar i Qendrës së Bashkëpunimit Ndërfetar, i cili vuri theksin te mjedisi si përgjegjësi e përbashkët për jetën dhe të ardhmen e brezave që vijnë.

Marshimi i Paqes në Elbasan/ Toka është amanet, jo pronë

Gjatë aktivitetit u përcollën mesazhe dhe reflektime nga përfaqësues të institucioneve qendrore dhe vendore, mes tyre Arbian Mazniku, Gledian Llatja, Kryetar i Bashkisë Elbasan, Andis Salla, Ministër i Bujqësisë dhe Zhvillimit Rural, Ermira Urupi, Kryetare e Këshillit të Qarkut Elbasan, si dhe drejtues të institucioneve arsimore, të cilët theksuan rolin e politikave publike, arsimit dhe zhvillimit të qëndrueshëm në mbrojtjen e mjedisit.

Marshimi i Paqes në Elbasan/ Toka është amanet, jo pronë

Një moment i veçantë ishte përfshirja e nxënësve të shkollës “Qamil Guranjaku”, të cilët përcollën mesazhe ndërgjegjësuese për mbrojtjen e natyrës dhe edukimin ekologjik.

Marshimi i Paqes në Elbasan/ Toka është amanet, jo pronë

Marshimi vijoi përgjatë bulevardit “Aqif Pasha”, ku u mbajtën ndalesa reflektuese dhe u dhanë mesazhe nga liderë të komuniteteve fetare, përfshirë Myftiun e Elbasanit H. Agim Duka, Mitropolitin Hirësi Andon Merdani, At Dritan Broka, Baba Ardit Selmani dhe Pastor Ilirian Isaraj, të cilët theksuan kujdesin ndaj krijimit si detyrë morale dhe shpirtërore.

Marshimi i Paqes në Elbasan/ Toka është amanet, jo pronë

Në përmbyllje, pranë Shtatores “Aqif Pasha”, u mbajt fjala mbi aktivizmin qytetar nga Dr. Florenc Spaho, si dhe një moment artistik me veprën “Fratello Sole, Sorella Luna” nga Andrea Bocelli, interpretuar nga Luke Millugia. Aktiviteti u mbyll me një thirrje për veprim konkret dhe urimin për një vit të mbarë 2026, përcjellë nga Don Doriani, zv/president i Qendrës së Bashkëpunimit Ndërfetar.

Marshimi i Paqes 2026 konfirmoi mesazhin se paqja ndërtohet përmes bashkëpunimit, përgjegjësisë dhe respektit për jetën dhe mjedisin./ CNA