web counter
LEXO PA REKLAMA!

SHKARKO APP

App Store
Google Play

E fundit!

x

Kurban Bajrami/ Mesazhi i kreut të KMSH-së, Bujar Spahiu

27 Maj 2026, 06:35, Aktualitet CNA

Kurban Bajrami/ Mesazhi i kreut të KMSH-së, Bujar Spahiu

Kreu i Komunitetit Mysliman të Shqipërisë, Bujar Spahiu, ka përcjellë mesazhin e tij me rastin e Festës së Kurban Bajramit, duke e cilësuar këtë ditë si një moment mëshire, afrimi me Zotin dhe reflektimi për vlerat njerëzore.

Në mesazhin e tij, Spahiu theksoi se Kurban Bajrami është festa e zemrës së pastër dhe një thirrje për t’u larguar nga padrejtësia dhe indiferenca ndaj njëri-tjetrit.

Kreu i KMSH-së bëri apel që në këtë ditë feste të mos harrohen familjet në nevojë, jetimët dhe të moshuarit që kanë nevojë për përkujdesje dhe solidaritet.

Ai nënvizoi gjithashtu se vlera e kësaj feste nuk matet me atë që ndodhet në tavolinë, por me dashurinë dhe mirësinë që njerëzit mbajnë në zemër.

Kre i KMSH-së, Bujar Spahiu theksoi se shoqëria ka nevojë të ndërtojë ura mirëkuptimi dhe të përçojë më shumë dashuri mes njerëzve.

“Sot është një ditë e madhe dhe e bekuar, ditë mëshire dhe afrimi me Zotin, Krijuesin e gjithësisë. Është dita e Kurban Bajramit, kur zemrat e myslimanëve mbushen me dashuri dhe lutje për Zotin.

Kurbani është festa e zemrës së pastër. Është festa që na mëson të largohemi nga padrejtësia dhe indiferenca ndaj njëri-tjetrit, të jetojmë me respekt, mirëkuptim dhe dinjitet me njëri-tjetrin.

Haxhi është simbol i barazisë dhe unitetit. Na kujton se para Zotit s’ka dallim mes njerëzve.

Sot, kur familjet tona mblidhen rreth sofrës së Bajramit, të mos harrojmë ata që s’kanë një sofër të plotë; të mos harrojmë të moshuarit që presin një trokitje në derë, një përqafim; të mos harrojmë familjet në nevojë apo jetimët.

Vlera e kësaj feste nuk matet me atë që kemi në tavolinë, por me atë që kemi në zemër.

Shoqëria jonë ka nevojë të ndërtojë ura dhe të përçojë dashuri mes njëri-tjetrit”, tha Spahiu./ CNA





Lajmet e fundit nga