web counter
LEXO PA REKLAMA!

SHKARKO APP

App Store
Google Play

Kërcënimet dhe sulmet ndaj Altin Dumanit/ KLP “shuplakë” Metës

16 Prill 2024, 19:52, Aktualitet CNA

Kërcënimet dhe sulmet ndaj Altin Dumanit/ KLP

Këshilli i Lartë i Prokurorisë ka reaguar ndaj sulmeve dhe kërcënimeve të kreut të Partisë së Lirisë Ilir Meta ndaj kreut të SPAK-ut, Altin Dumanit.

KLP ka dënuar ashpër gjuhën e urrejtjes, shprehjet apo veprimet fyerse ndaj prokurorëve të SPAK dhe kreut të këtij institucioni.

Reagimi i KLP-së

Këshilli i Lartë i Prokurorisë si organ qeverisës e kushtetues i sistemit të akuzës, ndjek me vëmendje çdo reagim publik lidhur me punën e institucionit të prokurorisë dhe në veçanti të Prokurorisë së Posaçme kundër Korrupsionit dhe Krimit të Organizuar.

Në këtë kuadër, Këshilli i Lartë i Prokurorisë ka ndjekur me shqetësim ditët e fundit, deklaratat e subjekteve të veçanta në mediat audio vizive dhe ato elektronike, lidhur me prokurorët e Prokurorisë së Posaçme pranë (SPAK) dhe kreut të saj.

Këshilli i Lartë i Prokurorisë, dënon çdo gjuhë urrejtje, shprehje, veprim fyes dhe intimidues që synon të denigrojë në mënyrë të padrejtë figurën e prokurorëve apo të ushtrojë presion ndaj tyre, duke i bërë thirrje gjithkujt të mos cenojë në asnjë mënyrë punën profesionale të prokurorëve të Prokurorisë së Posaçme.

Çdo subjekt i përfshirë në veprimtarinë ligjore të prokurorisë, ka të drejtë të paraqesë çdo pretendim, ankesë apo kundërshtim në Gjykatën kompetente të parashikuar nga ligji për dhënien e drejtësisë. Kjo, në një shtet demokratik, është e vetmja mënyrë për të arritur tek e vërteta.

Në të njëjtën kohë Këshilli mbështet pa rezerva veprimtarinë ligjore të çdo prokurori të sistemit të prokurorisë, duke i inkurajuar ata të vijojnë të ushtrojnë me kompetencë dhe pavarësi të plotë funksionin e tyre për ngritjen dhe përfaqësimin e akuzës ndaj kujtdo, në emër të shtetit shqiptar, të pa ndikuar nga askush./ CNA





Lajmet e fundit nga