web counter
LEXO PA REKLAMA!

SHKARKO APP

App Store
Google Play

E fundit!

x

I pritet koka në burg “El Patroni"-t/ Akuzohej edhe për vrasjen e Ergys Dashit

4 Tetor 2022, 09:56, Aktualitet CNA

I pritet koka në burg “El Patroni"-t/ Akuzohej edhe për

Është ekzekutuar në mënyrë makabre Leandro Antonio Norero Tigua brenda burgut në Ekuador.

Leandro Norero Tiguas, i njohur si bosi i krimit, iu pre koka gjatë një trazire brenda institucionit të vuajtjes së dënimit më 3 tetor. 

Ai ishte arrestuar që nga maji 2022 për një rast pastrimi parash, ndërsa emri i tij u lidh edhe me vrasjen e shqiptarit Ergys Dashi në Ekuador.

Shqiptari Ergys Dashi u vra më 23 janar të 2022 me 20 plumba në një lokal në Ekuador.

Leandro Antonio Norero Tigua u quajt 'El Patron' dhe pas arrestimit befasoi të gjithë vendin, pasi dihej dhe ishte thënë se kishte vdekur.

35-vjeçari, i cili ishte një nga trafikantët kryesorë të drogës në vend, kërkohej nga drejtësia peruane, por ai falsifikoi vdekjen e tij në vitin 2020, duke arritur kështu t'u shmangej autoriteteve peruane.

Por, në vitin 2022, Norero u burgos pas një operacioni ku iu gjetën 6 milionë dollarë dhe shufra ari.

Sipas policisë, Norero kishte qenë financuesi i tri bandave kriminale: Los Lobos – megabanda e dytë më e madhe në Ekuador, Los Tiguerones dhe Los Chone Killers. Të tria bandat janë armike të Los Choneros./CNA.al





Lajmet e fundit nga