Hoxha: Nëse zgjedhjet shtyhen, opozita duhet ta shfrytëzojë si mundësi të fuqizojë Binajn

9 Tetor 2025, 22:11, Aktualitet CNA

Hoxha: Nëse zgjedhjet shtyhen, opozita duhet ta shfrytëzojë si

Gazetari Artan Hoxha ka komentuar mbrëmjen e sotme vendimin e Gjykatës Kushtetuese për pezullimin e dekretit të presidentit Bajram Begaj për datën e zgjedhjeve në Tiranë.

Hoxha u shpreh në Syri Tv se nëse vendoset shtyrja e zhvillimit të zgjedhjeve, opozita duhet ta shfrytëzojë këtë mundësi për ta kthyer në favorin e saj dhe për t'i dhënë mundësi kandidatit që mbështet Florjan Binajt të ecë përpara.

Gazetari shtoi se opozita edhe patronazhistëve të Ramës duhet t'i ishte përgjigjur me të njëjtën mënyrë. Ndërkohë tha gjithashtu se kandidati Florjan Binaj shihet më shumë si front i qytetarëve dhe jo si front i opozitës.

"Opozitës i intereson të erdhi një mundësi dhe shfrytëzoje, ti japë mundësi kandidatit të eci. Çdo rezultat më i mirë se në të kaluarën, edhe nëse është humbje, tregon se opozita po përmirësohet. Është kryeministri njeriu që po kontrollon lojën. Por opozita duhet ta shfrytëzojë këtë. Ai thirri ushtrinë e patronazhistëve dhe opozita duhet ti ishte përgjigjur kësaj. Duhet të nxirrte emrat e patronazhistëve me lista në cdo pallat. Duhet shfrytëzuar çdo mundësi qoftë edhe shtyrja e zgjedhjeve në favorin tonë. I duhet përgjigjur patronazhistit me patronazhim.

Qëllimi i Ramës është i qartë, ai ka topin, kontrollon lojën, ai ka dhe arbitrin dhe ai në të veten e deklaroi, se nuk e diskuton fitoren, por sa do të jetë diferenca. Prandaj ti si opozitë duhet t’i kthehesh dhe t’i përgjigjesh, të shfrytëzosh çdo mundësi, votë të mundshme, çdo minutë që të jepet në dispozicion, qoftë dhe me shtyrjen e zgjedhjeve. Kjo qeveri ka një gjë të mirë, sa më shumë kohë i jep, aq më shumë skandale bën. Dhe unë po të garantoj se deri sa të dalë data e re e zgjedhjeve ti do të kesh disa skandale të mëdha, që pas 1 muaji do të harrosh historinë e gjyqtarit, siç kemi harruar dhe të tjera.

Historitë dhe skandalet këtu nuk mbarojnë, por opozita duhet të ndryshojë taktikë. Kandidati duhet të ketë një strategji ndryshe për këto zgjedhje. Flori është më shumë sesa një front i opozitës, është front i qytetarëve. Prandaj opozita duhet të ndryshojë strategji.", u shpreh Hoxha./CNA