web counter
LEXO PA REKLAMA!

SHKARKO APP

App Store
Google Play

Vrasja e gjyqtarit Kalaja/ Çela: Nevojë për plan masash për sigurinë e sistemit të drejtësisë

9 Tetor 2025, 18:55, Aktualitet CNA

Vrasja e gjyqtarit Kalaja/ Çela: Nevojë për plan masash

Prokurori i Përgjithshëm, Olsian Çela zhvilloi këtë të enjte një mbledhje me prokurorët, pas vrasjes së gjyqtarit Astrit Kalaja.

Sipas njoftimit, mbledhja u zhvillua me fokus në sigurinë e magjistratëve brenda sallës së gjyqit, kushtet e punës dhe nevojës për një plan masash për sigurinë e sistemit të drejtësisë.

“Prokurori i Përgjithshëm thirri sot në një mbledhje drejtuesit e prokurorive dhe prokurorë nga të gjitha prokuroritë për të diskutuar mbi çështje që lidhen me sigurinë e magjstratëve, nisur nga ngjarja e rëndë ku humbi jetën gjyqtari Astrit Kalaja.

Në takim u analizua gjendja e parametrave të sigurisë në institucion dhe nevoja për përmirësimin e tyre, kushtet e punës në të cilat punojnë prokurorët dhe problemet e infrastrukturës që lidhen me sigurinë e ambienteve të punës. Nga prokurorët u ngrit shqetësimi për sulmet e vazhdueshme publike ndaj tyre të cilat ndikojnë në rritjen e pasigurisë në ushtrimin e detyrës.

Përfundimet e këtij takimi do të diskutohen më tej me prokurorët në mbledhjet që do mbahen në çdo prokurori për të vijuar më pas me një plan masash institucionale në koordinim edhe me institucionet e tjera të drejtësisë.

Prokurori i Përgjithshëm mbështet dhe solidarizohet me qëndrimin e trupës së gjyqtarëve në mbledhjen e sotme për të gjitha çështjet që lidhen me sigurinë e magjistratëve, duke vlerësuar se ka nevojë për një rikonfigurim tërësor të standardeve të sigurisë për sistemin e drejtësisë dhe do të kontribuojë në këtë aspekt në koordinim me gjithë institucionet përgjegjëse”,-njoftoi Prokuroria./CNA

 

 

 

 

 

 





Lajmet e fundit nga