LEXO PA REKLAMA!

SHKARKO APP

E fundit!

x

Gjykata e Janinës refuzon kërkesën e Shqipërisë për ekstradimin e Laert Haxhiut

8 Gusht 2023, 17:45, Aktualitet CNA

Gjykata e Janinës refuzon kërkesën e Shqipërisë

Gjykata e Janinës ka refuzuar kërkesën e shtetit shqiptar, për ekstradimin e Laert Haxhiut, i cili u arrestua në muajin Maj në Greqi.

Avokati i tij mbrojtës gjatë seancës gjyqësore ka pretenduar se klientit të tij i rezikohet jeta në vendin tone. Gjykata e Janinës e ka lënë në burg Haxhiun vetëm për akuzën e largimit nga vendi i aksidentit dhe atë të prishjes së qetësisë publike.

Haxhiu është dënuar nga Gjykata e Rrethit Gjyqësor Lushnjë, në vitin 2017, me 18 vjet burgim, për veprat penale “Vrasja në rrethana cilësuese”, mbetur në tentativë dhe “Mbajtja dhe prodhimi pa leje i armëve luftarake, armëve shpërthyese dhe municionit”.

Ai gjithashtu është në proces gjyqësor në Gjykatën e Posaçme për masakrën e Lushnjes me dy viktima e 1 të plagosur.

Në Janinë, policia greke bëri të mundur kapjen dhe arrestimin e tij. Ky shtetas u kap me leje qëndrimi të falsifikuar greke.

Policia e Shtetit vijon bashkëpunimin e ngushtë me partnerët, për identifikimin dhe kapjen e shtetasve të shpallur në kërkim ndërkombëtar për vepra penale në fusha të ndryshme, si dhe shkëmbimin e informacionit në kohë reale për veprimtari kriminale ndërkufitare, me qëllim identifikimin dhe kapjen e personave apo grupe kriminale që kryejnë këto aktivitete./CNA

Lajmet e fundit nga