web counter
LEXO PA REKLAMA!

SHKARKO APP

App Store
Google Play

E fundit!

x

GJKKO do të shqyrtojë padinë për shpifje/ Këlliçi: Do të paraqesim prova të reja si u grabit prona nga Carlo Bollino

25 Maj 2026, 14:52, Aktualitet CNA

GJKKO do të shqyrtojë padinë për shpifje/

Gjykata e Tiranës ka shpallur moskompetencën në gjykimin e çështjes ku përfshihen Belind Këlliçi, Jamarbër Malltezi dhe botuesi Carlo Bollino, duke e transferuar atë në Gjykatën e Posaçme. 

Avokatja Adriana Kalaja bëri me dije për mediat se çështja kaloi në GJKKO pas statusit të veçantë të Belind Këlliçit si deputet. 

“Siç u njoftua në seancën pararendëse, sipas vendimit të ndërmjetëm që mori Gjykata e Tiranës, rezultoi që kjo çështje do kalonte për kompetencë në Gjykatën e Posaçme për shkak të cilësimit të veçantë që ka zoti Belind Këlliçi. Pavarësisht se vepra penale që pretendohet nga kërkuesi ka ndodhur në momentin që zoti Këlliçi nuk ka patur mandatin e deputetit, por në arsyetimin e bërë sot nga Gjykata e Tiranës, u referua më tepër fakti që në çdo lloj rrethane apo fakti penal, kompetencën për gjykimin ndaj deputetëve e ka vetëm Gjykata e Posaçme”, tha Kalaja.

Këlliçi foli gjithashtu lidhur me vendimin, ku tha se qëkur është ngritur padia, Bollino u shmanget seancave dhe përballjes me të.

Sipas tij në seancën në GJKKO, do të paraqesin prova dhe qëndrime të reja se si prona e destinuar për tu bërë shkollë u mor nga Bollino.

“Më vjen keq që humbëm dy vite kohë që nga dita e njoftimit të padisë, por duke qenë se zoti Bollino ka muaj që nuk vjen të përballet në gjykatë, mendova se nuk do e shoh më. Por i bie që do të paraqitet në seancën e pajtimit në GJKKO, në të cilën do të kemi mundësi ta dëgjojmë për pretendimet e tij dhe më vjen mirë që do të kemi mundësin të paraqesim prova dhe qëndrime të reja që në njësinë nr.7 u grabit trualli i destinuar për t'u bërë një shkollë dhe u lanë fëmijët pa shkollë për t'u ngritur një ngrehinë që quhet televizion. Më vjen mirë që rekordit tim personal 10 me 0 me pafajësi në GJKKO më jepet mundësia ta bëj 11 me 0”, tha Këlliçi. /CNA





Lajmet e fundit nga