web counter
LEXO PA REKLAMA!

SHKARKO APP

App Store
Google Play

E fundit!

x

Gent Progni denoncoi “zhapikun” e AKSHI-t

10 Prill 2024, 10:35, Aktualitet CNA

Gent Progni denoncoi “zhapikun” e AKSHI-t

Drejtori i Teknologjisë së Informacionit në Policinë e Shtetit, Ervin Muço është arrestuar pasi akuzohet se ka ndërhyrë në sistemin TIMS.

Muça është person i dyshuar për kryerjen e veprës penale “Hyrje e paautorizuar kompjuterike”.

Nga veprimet procedurale të kryera nën drejtimin e Prokurorisë, ngrihen dyshime të arsyeshme, se në bazën e të dhënave të Policisë së Shtetit është ndërhyrë në mënyrë të paautorizuar nga Drejtori i Departamentit të Teknologjisë Informacionit dhe shtetas të tjerë.

Por më herët, Ervin Muço është denoncuar dhe nga eksperti Gent Progni.

Në një postim të datës 13 shkurt të këtij viti Gent Progni denoncon skandalin te DTI në Policinë e Shtetit ku bën me dije se nuk ruhen të dhënat e asnjë perosni të huaj që ka hyrë dhe ka dalë nga Shqipëria.

Sipas denoncimit, drejtori Ervin Muço, të cilin e quan zhapiku, thotë se ka vjedhur TIMS sapo u emërua.

Theksohet se Policia e Shtetit është ulur në gjunjë të bandës së Ervin Muçës.

“Nderkohe Zhapiku godet serish:

“Skandal te DTI e Policise se Shtetit. Black out I sistemit TIMS qe ne mengjes. Nuk ruhet asgje ne TIMS per personat ne kerkim. Black out per ngjarjet kriminale qe po ndodhin sot. Nuk ruhet e dhena per asnje person I huaj qe ka hyre ka dale ne Shqiperi qe nga mengjesi. Nuk ruhen as personat qe kane dok te reja. Kush ka interes per kete? DTI? Ervin Muça prape ne loje. Drejtori DTI. Sa u emeru vodhi TIMS. Buje e madhe asnje gjemb ne kembe sot e zhduku fare nga radaret e policise kufitare. Pse e zhduku TIMS?  Qe mos shihen krimet qe bejne shoket e Ervin Muçes kriminelat qe e mbajne aty…Turp. Black out TIMS. Black out kufijt. Policia hesht askush sflet. PSE?? Policia shtetit ne gjunje te bandes Ervin Muçes.

POLICI KUFITAR”, thuhet në denoncimin e publikuar nga Progni.

Gent Progni denoncoi “zhapikun” e AKSHI-t

Në një tjetër postim në dhjetor të 2023-shit shkruan se: Ndërkohë që Mirel Mërtiri tregon që ka të dhënat e TIMs dhe akses në të, zhapiku del të rreshti i parë i lumtur para se ta thërrasin ata të US për të dhënë llogari.

Gent Progni denoncoi “zhapikun” e AKSHI-t

Po ashtu në një tjetër postim në shkurt, ngre pikëpyetje se mos është vënë në survejim dhe përgjim nga çuni i xhajës së Ervin Muçës (zhapikut) siç e quan ai.

Gent Progni denoncoi “zhapikun” e AKSHI-t

Po ashtu Progni më herët ka denoncuar Mirlinda Karçanajn, drejtoreshën e AKSHI-t, se ka krijuar kompani offshore, ku lëshon fatura fiktive për kompanitë që fitojnë tenderë.

Ai ka treguar skemën e abuzimit nga AKSHI dhe drejtoresha Mirlinda Karçanaj dhe po ashtu ka denoncuar përfshirjen në megaaferën e inceneratorëve.

“Si në rastin e inceneratorëve që ju si media për fatin e mirë i keni shkuar deri në fund, kemi fatura fiktive dhe krijim kompanish brenda ditësh që marrin tendera dhe fitojnë tendera dhe këto fatura fiktive janë bërë nga një kompani satelite, që quhet Mega Distribution e cila ka prerë fatura fiktive për kompani që kanë marrë pjesë në tenderat e AKSHI-t dhe duke u paravendosur një tender, kjo kompani ka faturuar fiktivisht një nga kompanitë pjesëmarrëse për faktin që ajo  është tërhequr nga tenderi dhe një kompani që shet çokollata dhe perime ka faturuar 40 milionë euro fatura kompanive teknologjike.

Kaq mendoj unë mjafton që të kuptohet e gjithë kjo skemë. Dhe bashkë me këtë skemë janë drejtoresha e AKSHI-t e cila ka hapur kompani në Greqi dhe në Qipro offshore që bën fatura fiktive sërish këtyre kompanive që fitojnë tendera për të marrë 30% e famshëm që çdokush nga kompanitë që merr pjesë në AKSHI e thotë që në ditën e parë që kërkohet 30% i asaj që po marrim.

Ne kemi kompani që merren me teknologji dhe fitojnë tendera në AKSHI që kanë hapur një kompani ndërtimi dhe kanë filluar të ndërtojnë.

Pra lekët që janë investuar për teknologji ne po i bëjmë dhe vila dhe pallate”, është shprehur ai./ CNA





Lajmet e fundit nga