web counter
LEXO PA REKLAMA!

SHKARKO APP

App Store
Google Play

E fundit!

x

Mesazhi i Myftiut të Korçës për Fitër Bajram: Zoti ua pranoftë çdo vepër të mirë

10 Prill 2024, 08:53, Aktualitet CNA
Mesazhi i Myftiut të Korçës për Fitër Bajram: Zoti ua
Bujar Spahiu

Në qytetin e Korçës, pas përfundimit të muajit të shenjtë të Ramazanit, qindra besimtarë myslimanë mëngjesin e sotëm, u mblodhën për të falur namazin e festës së shenjtë të Fiter Bajramit, në sheshin para xhamisë Iljaz Bej Mirahori.

Riti i faljes së Fiter Bajramit u drejtua nga Myftiu Ledian Cikalleshi i cili në këtë ditë të shenjtë uroi të gjithë besimtarët.

“Sot në këtë ditë të bukur, të gëzuar për gjithë myslimanët e Korçës, ishim bashkë në sheshin para xhamisë Iljaz Bej Mirahori, të falnim së bashku namazin e Fitër Bajramit dhe ti luteshim zotit që ai të na i pranonte lutjet, sakrificën që bëmë gjatë muajit të madhërueshëm të Ramazanit. Kjo është një ditë feste për të gjithë myslimanët në mbarë botën dhe unë dua t’ju uroj të gjithë myslimanët shqiptarë, në Shqipëri e kudo qofshin. Gëzuar dhe për shumë vjet Fitër Bajramin, sjelltë kjo festë mirësi dhe begati në shtëpitë tuaja. Zoti ua pranoftë çdo të mirë, çdo vepër që keni bërë në këtë muaj. Gëzuar dhe për shumë vjet Fiter Bajramin”, tha Myftiu i Korçës.

Pas faljes besimtarët uruan njëri-tjetrin për sa më shumë mbarësi, begati dhe mirësi në familjet e tyre. Besimtarët myslimanë para ditës së Bajramit shpërndajnë lëmoshë, solidarizohen me të varfrit, kështu për ta festuar së bashku këtë festë./ CNA





Lajmet e fundit nga