web counter
LEXO PA REKLAMA!

SHKARKO APP

App Store
Google Play

E fundit!

x

KLGJ pranon kërkesën e ILD-së, shkarkon gjyqtaren Mimoza Margjeka

9 Prill 2024, 15:33, Aktualitet CNA
KLGJ pranon kërkesën e ILD-së, shkarkon gjyqtaren Mimoza Margjeka
Gjyqtarja Mimoza Margjeka

Këshilli i Lartë Gjyqësor ka pranuar sot kërkesën e Inspektorit të Lartë të Drejtësisë për shkarkimin nga detyra të magjistrates Mimoza Margjeka, me detyrë gjyqtare pranë Gjykatës së Rrethit Gjyqësor Durrës.

Margjeka është shkarkuar për shkak të dënimit për veprën penale “Korrupsioni pasiv i gjyqtarit, prokurorit, dhe i funksionarëve të tjerë të organeve të drejtësisë” e kryer në bashkëpunim.

Në seancën dëgjimore, inspektorët e ILD-së konkluduan se magjistratja është gjetur fajtore nga Gjykata e Posaçme e Shkallës së Parë për Korrupsionin dhe Krimin e Organizuar dhe Apeli, për veprime të shkallës më të rëndë, siç janë aktet korruptive të lidhura me ushtrimin e funksionit të gjyqtares, e që përbëjnë vepër penale.

Ushtrimi i parregullt i detyrës nga ana e magjistrates, si dhe për vetë natyrën e faktit penal të konsumuar, ka sjellë pasoja për dhënien e drejtësisë, ka diskredituar rëndë figurën, autoritetin, dinjitetin, si dhe është dëmtuar rëndë besimi i publikut te magjistrati dhe organet e drejtësisë, të gjitha shkelje shumë të rënda disiplinore për të cilat ILD kërkoi masën e shkarkimit nga detyra, që u pranua nga Këshilli i Lartë Gjyqësor./ CNA





Lajmet e fundit nga