web counter
LEXO PA REKLAMA!

SHKARKO APP

App Store
Google Play

E fundit!

x

Tjetër abuzim i Veliajt dhe drejtorit të tij/ Shkeljet në kompaninë "Tirana DC", në pronësi të Bashkisë

10 Prill 2024, 08:37, Aktualitet CNA

Tjetër abuzim i Veliajt dhe drejtorit të tij/ Shkeljet në

Gazetarja Ola Xama ka zbuluar një tjetër abuzim të kryebashkikaut Erion Veliaj dhe drejtorit të tij Redi Molla.

Ajo ka publikuar një dokumet dhe krahas tregon se kryebashkiaku Erion Veliaj ka vendosur të emërojë Redi Mollën si administrator të Tirana DC, kompanisë publike në pronësi të Bashkisë dhe gjithashtu i ngarkohet detyra e anëtarit të Këshillit Drejtues dhe e audituesit ligjor.

Gazetarja thekson se ky është një konflikt i madh interesi.

Tjetër abuzim i Veliajt dhe drejtorit të tij/ Shkeljet në

“Tirana DC u themelua më 28 tetor 2020 si një ndërmarrje publike në pronësi të bashkisë Tiranë. Qëllimi i saj është ndërtimi, rindërtimi, zhvillimi i pronave të bashkisë dhe investimi ose bashkë-investimi me aktorë privatë.

Kryetari i bashkisë Tiranë merr vendim që administrator i kompanisë të jetë z.Redi Molla, i cili ngarkohet po ashtu dhe me detyrën e antarit të Këshillit Drejtues dhe atë të audituesit ligjor. Konflikt më i madh interesi nuk është parë ndonjëherë. Redi Molla jepte llogari te vetja si anëtar i Këshillit Drejtues dhe kontrollonte veten si auditues i jashtëm me detyrën e ekspertit kontabël”, thotë gazetarja.

Më tej Xama zbulon shkeljet e ligjit, duke treguar se ligji përcakton që kompanitë publike duhet të kenë minimalisht 5 anëtarë në Këshillin Drejtues, ndërsa Tirana Dc ka vetëm 3.

Po ashtu sqaron se në mënyrë të prerë është i ndaluar financimi i kompanive publike nga shteti, përveçse me ligj të veçantë për situata të veçanta dhe të argumentuara. Në rastin e Tirana DC vendimi i Këshillit Bashkiak thotë shprehimisht se “mund të financohet nga bashkia”.

“Caktimi si ekspert kontabël i dikujt që nuk ka as licencë për të ushtruar këtë profesion është i paligjshëm, por veprimet për të ndryshuar situatën u morën vetëm pas denoncimit të medias (ACJQ) dhe shoqërisë civile.

Përveç konfliktit të pastër të interesit, vendimi për themelimin e kësaj kompanie me vendosjen në pozicione drejtuese dhe kontrolluese të një punonjësi të vetëm është në shkleje të hapur të Ligjit për Ndërmarrjet Shtetërore. Ligji përcakton që kompanitë publike duhet të kenë minimalisht 5 anëtarë në Këshillin Drejtues, Tirana DC ka patur dhe vazhdon të ketë vetëm 3, duhet që 1 prej tyre të jetë përfaqësues i sindikatës së punonjësve dhe kontrollorët e llogarive të jenë të pavarur.

Ndalohet në mënyrë të prerë financimi i kompanive publike nga shteti, përveçse me ligj të veçantë për situata të veçanta dhe të argumentuara. Në rastin e Tirana DC vendimi i Këshillit Bashkiak thotë shprehimisht se “mund të financohet nga bashkia”, shkruan gazetarja.

Më pas se deri në fund të vitit 2022 Tirana DC ka arkëtuar 0 të ardhura dhe 1.7 milionë euro shpenzime, sipas bilanceve.

“Deri në fund të vitit 2022 (sipas bilanceve të dorëzuara), Tirana DC ka arkëtuar 0 të ardhura dhe ka shpenzuar 1.7 milion euro. Qëllimi i krijimit të saj nuk ishte fitimi, por anashkalimi i procedurave ligjore të prokurimit për të hyrë në marrëveshje me privatin dhe për t’i marrë me forcë pronat qytetarëve!

Kjo është puna e mirë e drejtuesve të arrestuar në Bashkinë Tiranë që kanë administruar këtë kompani, çdo fjali që tenton të zhbëjë përmasat e korrupsionit ngjan me shprehjen ikonike të Shvejkut “Ç’më duhet mua ç’bëj unë?!”, shkruan Xama./ CNA





Lajmet e fundit nga