web counter
LEXO PA REKLAMA!

SHKARKO APP

App Store
Google Play

E fundit!

x

Gara për kreun e BKH/ Përfundon faza e intervistës

28 Korrik 2025, 17:51, Aktualitet CNA

Gara për kreun e BKH/ Përfundon faza e intervistës

SPAK ka njoftuar se ka përfunduar faza e intervistës për kandidatët që garojnë për drejtor të BKH.

Në njoftimin e SPAK thuhet se intervistat nisën në orën 09:00 dhe zgjatën 45 minuta për secilin kandidat.

Intervista u fokusua në vlerësimin e njohurive profesionale, aftësive drejtuese dhe qasjen e kandidatëve ndaj sfidave në krye të BKH.

Në datat 24 dhe 25 korrik kandidatët kanë zhvilluar testin e poligrafit.

Njoftimi i SPAK

Pas zhvillimit të testit të poligrafit më datat 24 dhe 25 korrik, sot përfundoi edhe faza e intervistës për përzgjedhjen e Drejtorit të Byrosë Kombëtare të Hetimit (BKH).

Intervistat nisën në orën 09:00, në ambientet e Strukturës së Posaçme kundër Korrupsionit dhe Krimit të Organizuar (SPAK) dhe zgjatën 45 minuta për secilin kandidat.

Kjo fazë, e monitoruar nga përfaqësuesit ndërkombëtarë, u fokusua në vlerësimin e njohurive profesionale, aftësive drejtuese dhe qasjen e kandidatëve ndaj sfidave që lidhen me pozicionin e Drejtorit të BKH-së.

Në përfundim të kësaj faze, Komisioni i Përzgjedhjes vendosi që të shtatë kandidatët  t’i nënshtrohen fazës së verifikimit të figurës dhe deklarimit të pasurisë, në përputhje me nenin 6 të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”.

SPAK rikonfirmon angazhimin për të garantuar një proces përzgjedhjeje transparent, të drejtë dhe të bazuar në kritere të qarta profesionale dhe ligjore.

 

Në garë për kreun e BKH janë 7 kandidatë: Andi Pogaçe, Gledis Nano, Artur Beu, Gentjan Shehaj, Joni Keta, Elton Kërluku dhe Gentian Ndoi.





Lajmet e fundit nga