web counter
LEXO PA REKLAMA!

SHKARKO APP

App Store
Google Play

“Furtunë” ndryshimesh/ Shkarkime dhe emërime në SHISH

24 Janar 2024, 17:59, Aktualitet CNA

“Furtunë” ndryshimesh/ Shkarkime dhe emërime në SHISH

Në mbledhjen e qeverisë, ditën e sotme është marrë vendimi për lirimin dhe emërimin në detyrë të Inspektorit të Përgjithshëm të SHISH.

Sipas vendimit të qeverisë, mësohet se Suela Bedeni, inspektore e Përgjithshëm e Shërbimit Informativ të Shtetit, është liruar nga detyra.

Ndërsa pas shakrkimit të saj, është emëruar inspektor i Përgjithshëm i Shërbimit Informativ të Shtetit, Blend Çobani.

“LIRIMIN DHE EMËRIMIN NË DETYRË TË INSPEKTORIT    TË PËRGJITHSHËM TË SHËRBIMIT INFORMATIV TË SHTETIT

Në mbështetje të nenit 100 të Kushtetutës dhe të nenit 12, të ligjit nr.8391, datë  28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave

V E N D O S I:

1. Znj. Suela Bedeni, inspektor i Përgjithshëm i Shërbimit Informativ të Shtetit, lirohet nga kjo detyrë.

2. Z. Blend Çobani emërohet inspektor i Përgjithshëm i Shërbimit Informativ të Shtetit.

Ky vendim hyn në fuqi menjëherë”, thuhet në vendim.

Po ditën e sotme në mbledhje, Këshilli i Ministrave ka marrë vendimin për emërimin e Lira Pipës si zëvendësministre e Ekonomisë, Kulturë dhe Inovacionit.

Kujtojmë se më herët Rama ka bërë me dije krijimin e dy ministrive të reja, atë të Antikorrupsionit dhe Ekonomisë, Kulturës dhe Inovacionit.

Ministria "Antikorrupsion" do të drejtohet nga Adea Pirdeni ndërsa ajo e Ekonomisë, Kulturës dhe Inovacionit do të drejtohet nga Blendi Gonxhe.

Krahas emërimeve Rama ka bërë dhe shkarkime, duke larguar nga detyra Elva Margaritin si ministre e Kulturës dhe Ervin Meten nga ministria e Ekonomisë./ CNA





Lajmet e fundit nga