Abuzimet e IPARD/ Si u shndërruan 33 milionë lekë në 33 milionë euro?

23 Nëntor 2023, 16:24, Aktualitet CNA

Abuzimet e IPARD/ Si u shndërruan 33 milionë lekë në 33

Gazetari Klodian Tomorri ka treguar "gafën" e bërë nga AZHBR dhe Komisioni Evropian në lidhje me parregullsitë me fondet IPARD.

Gazetari është shprehur se teksa ka hasur një dokument të Komisionit Evropian për abuzimet me fondet e BE-së, në raportin që mbante datën 27 korrik thuhej se në Shqipëri parregullsitë me fondet ishin 33.5 milionë euro ndërsa në vendet e tjera këto shifra varionin 50 mije deri ne 350 mije euro.

Tomorri vijon më tej duke treguar se sipas të dhënave programi IPARD ka shëprndërë në total për gjitha vitet shifrën 71 milionë euro dhe shifra 33 milionë euro përbent thuajse gjysmën e fondit total.

Përtej kësaj në raport kishte dhe një paragraf, i cili nënvizonte se nga 33 milionë euro parregullsi, 31 milionë euro vinin vetëm nga 4 raste.

Pas kësaj gazetari zbulon se ka bërë një kërkesë zyrtare për informacion zyrës së BE në Tiranë dhe në përgjigjen e marrë me shumë vonesë u dha një përgjigje perlë se ishte ngatërruar kursi.

Shifra e parregullsive sipas tyre ishte 33.5 milionë lekë ose 256 mijë euro me kursin kur janë disbursuar dhe jo 33.5 milionë euro.

Deklarata e plotë e gazetarit Klodian Tomorri.

Para nje jave hasa rastesisht nje dokument te Komisionit Europian per abuzimet me fondet e BE-se ne vendet aspirante. Raporti mbante daten 27 korrik dhe brenda tij thuhej se ne Shqiperi parregullsite me fondet e IPARD ishin 33.5 milione euro, ndersa ne vendet e tjera shifra varionte nga 50 mije deri ne 350 mije euro.

Sipas te dhenave zyrtare, programi IPARD ka shperndare ne total per te gjitha vitet ne Shqiperi rreth 71 milione euro. Shifra prej 33 milione euro qe Komisioni shkruante ne raportin statistikor si parregullsi perbente gati gjysmen e totalit te fondeve te dhena nga fillimi i IPARD deri me sot.

Pertej kesaj ne raport kishte dhe nje paragraf, i cili nenvizonte se nga 33 milione euro parregullsi, 31 milione euro vinin vetem nga 4 raste. Kjo ishte pika qe me beri te dyshoj, per shkak se grantet e Ipard jane pergjithesisht ne shifra nen 1 milione euro dhe 4 raste nuk kishte se si te benin 31 milione euro.

Per te hequr dyshimet para ca ditesh i nisa nje kerkese zyrtare per informacion zyres se BE ne Tirane. Por pergjigja po vonohej me shume se zakonisht. Kur ja u kujtoja me thonin prit se po presim dhe miratimin nga Brukseli.

Pasi ceshtja beri zhurme sot ne Shqiperi sepse u publikua nga media dhe mandej doli dhe opozita, nxituan te ma kthenin me ne fund pergjigjen. Eshte nje perle pergjigja.

Kemi ngaterruar leket me eurot thone ne pergjigje. Shifra e parregullsive eshte 33.5 milione leke ose 256 mije euro me kursin kur jane disbursuar dhe jo 33.5 milione euro. Po ashtu kjo shifer nuk ka lidhje me hetimin e Olaf- thone- pasi raporti eshte bere para mbylljes se hetimit.

Fillimisht gabimin e ka bere AZHBR, qe e ka raportuar ne tabele 33 milione, kur kollona ishte euro dhe me pas kete shifer Komisioni Europian e ka marre shabllon dhe e ka futur ne raport.

Perle ore perle./ CNA